Ինչո՞ւ չկան պատժամիջոցներ Ալիեւի վարչակարգի դեմ. Լորան Վոքե
Ղարաբաղյան հակամարտությունը երկու երկրների միջեւ վեճ չէ, այլ ժողովրդի, քաղաքակրթության վերացման նպատակաուղղված ձգտում։ Այս մասին տեղեկացրել է Օվերն-Հռենոս-Ալպեր շրջանի ղեկավար Լորան Վոքեն Արցախի Հանրապետության արտաքին գործերի նախարար Սերգեյ Ղազարյանի հետ Երեւանում մարտի 31-ին կայացած համատեղ մամուլի ասուլիսում։
«Կրկնում են վճռականորեն, եւ կարեւոր է, որպեսզի դա լսեն Ֆրանսիայում եւ Եվրոպայում։ Սա վեճ չէ երկու երկրների միջեւ, որտեղ սահմանները հստակ չեն։ Սա միջազգային բոլոր կոնվենցիաներով պաշտպանվող մարդու իրավունքների խախտում է, սա ժողովրդի, քաղաքակրթության վերացման մտադրություն է։ Սա Հայաստանի, Արցախի եւ Սյունիքի պայքարն է, բայց այն ավելին է, քան պայքարը հանուն քաղաքակրթական արժեքների։ Ձեզ պաշտպանելը՝ այդ արժեքները պաշտպանել է նշանակում»,- ասել է Վոքեն։
Պատասխանելով Ադրբեջանի կողմից Արցախի շարունակվող շրջափակման մասին հարցին՝ ֆրանսիացի քաղաքական գործիչն ընդգծել է. այն, ինչ տեղի է ունենում, նորմալ չէ, իսկ միջազգային հանրույթի արձագանքը չի համապատասխանում տեղի ունեցողին։ Նա հիշեցրել է, որ որոշում է կայացվել չգնել ռուսական գազ. «Ադրբեջանական գազն ավելի ընդունելի՞ է։ Ինչո՞ւ եզրակացություններ չեն արել։ Ինչո՞ւ չկան պատժամիջոցներ Ալիեւի վարչակարգի դեմ։ Ես տալիս եմ այս հարցերը, եւ դրանք ինձ վրդովեցնում են»,- նշել է շրջանի ղեկավարը։ Նրա խոսքով՝ պետք է, որպեսզի հայտնի մարդիկ կանգնեն Արցախի կողքին եւ իրենց երկրների հանրություններին բացատրեն, քանի որ շատերը չեն հասկանում, թե ինչ է տեղի ունենում։ «Ընթանում է լուրջ քարոզչություն ձեր թշնամիների կողմից։ Ես տեղում էի։ Եվ մեր պատվիրակության 40 անդամ կարող է հաստատել։ Ես տեսել եմ, թե ինչ է տեղի ունենում։ Ադրբեջանական ուժերը զբաղեցրել են Հայաստանի տարածքը, այն տեղը, որտեղ մենք գտնվում էինք սրանից երկու օր առաջ։ Ես չգիտեմ մոլորակի վրա մեկ այլ անկյուն, որտեղ 120 հազար մարդ շրջափակված լինի։ Չեմ մտաբերում մեկ այլ տեղ, որտեղ այսպիսի բարբարոսություն է տեղի ունենում»,- նշել է Վոքեն։
Մեկնաբանելով Ֆրանսիայից խաղաղարարների տեղակայման հնարավորության մասին հարցը՝ քաղաքական գործիչը նշել է, որ չի կարող խոստումներ տալ կառավարության անունից. «Բայց կարող եմ հավաստիացնել, որ մեր մակարդակով կանենք ամեն ինչ, որպեսզի թեթեւացնենք վիճակը։ Մենք հիացած ենք արցախցիների համարձակությամբ, եւ նրանք աշխարհում ապրելու իրավունք ունեն»։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...