Այգում 8 հոգով էինք աշխատում, 6-ը՝ կանայք էին. Բերդաշենի բնակիչը՝ հակառակորդի կողմից իրենց թիրախավորելու մասին
Ադրբեջանական զինված ուժերի կողմից այսօր՝ մարտի 30-ի առավոտյան, Արցախի Մարտունու շրջանի Բերդաշեն համայնքի այգիներում աշխատող 8 խաղաղ բնակչի է թիրախավորել: NEWS.am-ի հետ զրույցում բնակիչներից Սենորիկ Ալավերդյանը պատմեց, որ ինքը մյուս աշխատողներից ավելի հեռու է եղել, երբ սկսվել են կրակոցները:
«Խաղողի այգում մենք 8 հոգով էինք աշխատում: Մյուս 7 աշխատողները, որոնցից 6-ը կանայք էին, մի փոքր ավելի հեռու էին ինձնից աշխատում: Կանանց էդ ժամանակ տուն տարանք ու դադարեցրինք աշխատանքները»,- պատմեց բնակիչը:
Բնակիչը պատմեց, որ վերջին օրերին ավելի հաճախ են հնչում կրակոցները. «Մի քանի օր առաջ էլ էին կրակել»:
Ավելի վաղ Արցախի ՆԳՆ-ն հաղորդել էր, որ ադրբեջանական կողմը մարտի 30-ին՝ ժամը 08:30-ի սահմաններում, Մարտունու շրջանի Բերդաշեն համայնքի բնակիչներ` Սենորիկ Ալավերդյանը եւ Գենադի Սարգսյանը` գյուղի վարչական տարածքի «Ասֆալտեն տակ» կոչվող տեղամասի խաղողայգում գյուղատնտեսական աշխատանքներ իրականացնելիս, հայտնվել են հարակից ադրբեջանական մարտական դիրքում ծառայություն իրականացնող զինծառայողների թիրախում։ Նրանք հրաձգային զենքերից կրակ են բացել Արցախի խաղաղ բնակիչների ուղղությամբ, ինչի հետեւանքով դադարեցվել է գյուղատնտեսական աշխատանքները:
Նշենք, որ նույն օրը` ժամը 10:40-ի սահմաններում, Թաղավարդ գյուղի բնակիչներ՝ Արթուր Ֆիրյանը, Արարատ եւ Շուրա Ալլավերդյանները, Օլեգ Հարությունյանը, Արսեն Խաչատրյանը եւ Նովիկ Գաբրիելյանը` գյուղի վարչական տարածքի «Կնյազանց կալ» կոչվող տեղամասի ցորենի դաշտում գյուղատնտեսական աշխատանքներ իրականացնելիս, ադրբեջանական բանակի մարտական դիրքերից հրաձգային զենքերով անկանոն կրակոցներ են արձակվել իրենց ուղղությամբ, ինչի հետեւանքով դադարեցվել է գյուղատնտեսական աշխատանքները:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Պետական արգելոցի ֆոտոթակարդները կրկին նկարահանել են կովկասյան ընձառյուծին
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...