Արայիկ Հարությունյանի նոր նախաձեռնությունը սեփական անձն ու ունեցվածքը փրկելու հնարավորություն են. Հակոբյան
Արցախի նախագահ Արայիկ Հարությունյանի՝ Սահմանադրական փոփոխություններ իրականացնելու նոր նախաձեռնությունը հերթական պալատական ինտրիգն է, այն հուշում է, որ ներքաղաքական ինչ-որ դավեր են հյուսվում։ «Փաստիինֆո»-ի հետ զրույցում նման կարծիք հայտնեց Արցախի Հանրապետության ԱԺ պատգամավոր Մետաքսյա Հակոբյանը՝ անդրադառնալով Արցախի նախագահի՝ նախօրեին ստորագրած հրամանագրին, որով նախատեսվում է նախագահի հնարավոր հրաժարականի դեպքում նոր նախագահի ընտրության կարգում փոփոխություններ անել։
Հակոբյանի համար զարմանալի է Հարությունյանի շտապողականությունը, չէ որ նույն կետը ներառված էր նաև սահմանադրական բարեփոխումների փաթեթում, որը Հարությունյանը անցած տարեվերջին հետ է կանչել։
«Առաջին բանն այն է, որ Արցախում պատրաստվում է ինչ-որ իշխանափոխություն տեղի ունենալ և արդեն օդում կախված լուրերի մակարդակով ինչ-որ թեկնածուների անուններ են շրջանառվում. Մամուլը գրում է Սամվել Բաբայանի ակտիվության մասին, վերջերս շատ ակտիվացրել են նաև գործող դատախազին։ ԱՀ հանրային հեռուստաընկերությամբ տված հարցազրույցում գլխավոր դատախազի խոսելաոճը ինձ վրդովվեցրեց, որը չափազանց նման էր ՀՀ վարչապետի խոսելաձևին»,- ասաց նա։
Ու թեև պաշտոնավարման երկու տարիներին, ըստ Հակոբյանի, ԱՀ գլխավոր դատախազը գրեթե ոչինչ չի արել, օրենքով իրեն լիազորված պարտավորություններն ու պարտականությունները չի կատարել, հիմա էլ գովազդում են, որ նախագահ կարգեն։
Հակոբյանի կարծիքով՝ իսկ նախագահի հնարավոր ընտրությունների պարագայում գործող նախագահի քաղաքականության փոփոխություն չի կարող լինել, պարզապես մեկ անձին կփոխարինի մեկ այլ անձ; Արդյունքում՝ Հարությունյանը սեփական կաշին ու ունեցվածքը կփրկի։ Ինչ վերաբերվում է Արայիկ Հարությունյանի և Ռուբեն Վարդանյանի հարաբերություններին և դրանց վերաբերյալ մամուլում շրջանառվող լուրերին, Հակոբյանն ասում է, որ Վարդանյանի՝ Արցախ գալով Հարությունյանի պլանները խառնվեցին, քանի որ Վարդանյանը, ըստ պատգամավորի, պատրաստ է պայքարել հայրենիքի համար, ինչու չէ նաև փրկել Արցախն ու Հայաստանը։ Իսկ Փաշինյանին չի հուզում ինչպես Արցախի, այնպես էլ Հայաստանի շուրջ տեղի ունեցող գործընթացները, հակառակը՝ փորձում են ինչ-որ փոփոխություններ անել, մի իրավիճակում, երբ Արցախը կանգնած է լինել-չլինելու խնդրի առաջ և 120.000 արցախահայերը գոյաբանական պայքար են մղում։
«Արցախում բավականին սթափ ուժեր կան, որոնք հիմնականում համախմբված աշխատում են և հնարավորինս թույլ չեն տալիս պառակտումներ։ Մենք շարունակելու ենք նույն ոճով և թույլ չենք տալու, որ Արցախին ու Հայաստանին վնաս պատճառող ուժերը՝ ուզում է լինի նախագահ, ուզում է լինի շարքային ինչ-որ մեկը, իրականացնեն իրենց ծրագրերը։ Իզուր չէ, որ Արցախն այս ամենի միջով անցնում է»,- հավելեց Հակոբյանը։
Հիշեցնենք, որ երեկ Արցախի Հանրապետության նախագահ Արայիկ Հարությունյանը ստորագրել է հրամանագիր, համաձայն որի՝ նախաձեռնվել է Սահմանադրության փոփոխության գործընթաց՝ ռազմական դրության ժամանակ Հանրապետության նախագահի պաշտոնը թափուր մնալու դեպքում Ազգային ժողովի կողմից նախագահի ընտրության և դրա առանձահատկությունների վերաբերյալ:
Ինչպես հայտնում են Արցախի Հանրապետության նախագահի աշխատակազմի տեղեկատվության գլխավոր վարչությունից, փետրվարի 13-ին ԱՀ Սահմանադրության փոփոխության նախագիծը ներկայացվել է Ազգային ժողովի քննարկմանը:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...