Արցախում թունավորված անչափահասների թիվը հասել է 26-ի. հոսպիտալացվել են երկուսը
Արցախում նախօրեին՝ դեկտեմբերի 7-ին սննդային թունավորմամբ բժշկական հաստատություններ դիմած անչափահաս քաղաքացիների թիվը հասել է 26-ի: Այս մասին NEWS.am-ի հետ զրույցում ասաց Արցախի Հանրապետության Առողջապահության նախարարի պաշտոնակատար Արթուր Օհանջանյանը:
«Գիշերվա ընթացքում եւս մի քանի քաղաքացիներ դիմեցին: Նրանց տարիքը 1.5-ից 12 տարեկան է: Քաղաքացիները ստացել են անհրաժեշտ բուժում եւ դուրս են գրվել: Հոսպիտալացվել է երկու քաղաքացի, որոնց վիճակը բավարար է»,- նշեց Օհանջանյանը:
Արթուր Օհանջանյանը նշեց, որ թունավորման պատճառը պարզելու համար նմուշառումներ են արված. «Հետազոտման փուլում ենք, այս պահին չենք կարող ասել՝ ինչից է առաջացել թունավորում»:
Հիշեցնենք, որ ԱՀ դատախազությունը հայտնել էր, որ Արցախի Հանրապետության առողջապահության նախարարության «Արևիկ» մանկական բուժմիավորում ՓԲ ընկերություն և այլ բժշկական հաստատություններ են դիմել ընդհանուր 19 անչափահասներ, որոնց մոտ ախտորոշվել է հավանաբար սննդային թունավորման հետևանքով առաջացած սուր գաստրիտ:
ԱՀ քրեական դատավարության օրենսդրությամբ սահմանված կարգով ձեռնարկվում են անհրաժեշտ քրեադատավարական միջոցառումները՝ կասկած հարուցող սննդամթերքի նմուշառման, փորձաքննությունների կազմակերպման, քաղաքացիների առողջությանը պատճառված վնասի աստիճանը և թունավորման պատճառները պարզելու ուղղությամբ:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...