Ինչու են պղծում հայ մեծերի արձանները

«Հրապարակ» թերթը գրում է. «Ամիսներ առաջ տեղեկացանք, որ ազգային հերոս Լեոնիդ Ազգալդյանի արձանն են կոտրել, հիմա անցել են հայ մեծերի արձաններին: Ջերմուկի կենտրոնական այգում տեղադրված Կոմիտասի, Սեւակի, Թումանյանի, Արամ Խաչատրյանի, Մարտիրոս Սարյանի եւ տասնյակ այլ կիսանդրիների պղծման թեմայով զրուցեցինք Ջերմուկի ճարտարապետ Արսեն Գառնիկյանի հետ:

Նա ասաց, որ շենքը, որտեղ տեղի է ունեցել վանդալիզմը, ունի սեփականատեր: «Այդ շենքն արդեն չորս անգամ վաճառել են: Ձեռքից ձեռք է անցել, ես տեղյակ չեմ, թե ով է այժմ սեփականատերը: Այնպես որ, թե՛ ես, թե՛ քաղաքապետարանը չունենք որեւէ լծակ՝ այս մասով քայլեր ձեռնարկելու համար»:

Իսկ վանդալիզմի դեպքեր Ջերմուկում էլի՞ են եղել, գուցե այդ մասին չի՞ բարձրաձայնվել։ Ճարտարապետն ասաց, որ, հավանաբար, սա առաջին դեպքն է, եթե եղած լիներ, ինքն այդ մասին տեղյակ կլիներ»:

Մարամասները՝ թերթի այսօրվա համարում