Հոկտեմբերի 9-ին Կատալոնիայի իշխանությունները «կհայտարարեն Իսպանիայից անկախանալու մասին»

Հոկտեմբերի 9-ին Կատալոնիայի առաջնորդները կհայտարարեն Իսպանիայից անկախանալու մասին: Նրանք այդ մասին հայտնել են, երբ Մադրիդը մերժել է Կատալոնիայի նախագահ Կարլես Պուջդեմոնի՝ ճգնաժամին վերջ տալու միջնորդությունը, փոխարենը պահանջելով նախքան որևէ բանակցությունների գնալը վերադառնալ օրենքի ճանապարհին:

Պուջդեմոնը BBC-ին տված հարցազրույցում ասել էր, որ իր կառավարությունը արդեն գործի կանցնի այս կամ հաջորդ շաբաթ:

Կատալոնիայի իշխանությունների փոխանցմամբ՝ հոկտեմբերի 1-ի հանրաքվեին մասնակցել է 2.26 միլիոն մարդ, որոնց շուրջ 90 տոկոսը քվեարկել է անկախության օգտին: Միաժամանակ, նշվում է, որ 5.34 միլիոն բնակչություն ունեցող Կատալոնիայում քվեարկությանը մասնակցությունը չի գերազանցել 42 տոկոսը:

Իսպանիայի կենտրոնական իշխանությունները հանրաքվեն հակասահմանադրական և անօրինական են համարում:

Այս թեմայով Պուչդեմոնին Իսպանիայում կամ կդատեն կամ չեն դատի Իսպանիայի կառավարությունը հրաժարական տվեց․ նոր վարչապետը կլինի սոցիալիստ Պեդրո Սանչեսը Գերմանիայի դատարանը երկարաձգել է Կառլես Պուչդեմոնի կալանքը Գերմանական դատարանը այսօր կսկսի քննել Կարլես Պուչդեմոնի`Իսպանիա արտահանձնման հարցը Կատալոնիայի խորհրդարանը բողոքարկել է Մադրիդի՝ տարածաշրջանային ճգնաժամի հաղթահարման միջոցառումները