Դատավոր Արուսյակ Ալեքսանյանը մերժեց Ավետիք Չալաբյանի պաշտպանների ներկայացրած միջնորդությունը
Երևանի ընդհանուր իրավասության դատարանի դատավոր Արուսյակ Ալեքսանյանն ինքնաբացարկ չհայտնեց. դատավորը մերժեց «Համախմբում» շարժման անդամ, հասարակական-քաղաքական գործիչ Ավետիք Չալաբյանի պաշտպանական խմբի՝ դատավորին բացարկ ներկայացնելու վերաբերյալ միջնորդությունը։
Չալաբյանի պաշտպան Վարազդատ Հարությունյանը դատավոր Արուսյակ Ալեքսանյանին բացարկ հայտնելու միջնորդությունը հիմնավորեց նրանով, որ, երբ հայտարարվել էր գործով նախաքննության ավարտ, իրենք միջնորդություն էին ներկայացրել քննիչին, որ շտապողականություն չցուցաբերի և հաշվի առնելով հուլիսի 1-ից ուժի մեջ մտած նոր Քրեական օրենսգիրքը, վերաորակի Ավետիք Չալաբյանի մեղադրանքը, քննիչը, սակայն, միջնորդությունը նույնիսկ չէր քննել, և դատավոր Ալեքսանյանը երեկ դատական նիստի ընթացքում Չալաբյանի մեղադրանքը չվերաորակած քննիչին հուշել է, թե ինչ պետք է անել։
Ըստ պաշտպանական խմբի անդամների՝ դատավորի նման վարքագիծը հակադրվում է դատավորի անկողմնակալության սկզբունքին։
Միջնորդությունը պնդեց նաև Ավետիք Չալաբյանը։
«Դուք հնարավորություն տվեցիք վարույթն իրականացնող մարմնին ապօրինի միջնորդությունը՝ իմ կալանքը երկարացնելու վերաբերյալ, փորձել սղագրել։ Այս
պայմաններում ինքնաբացարկ հայտնելն իրավաչափ և ճիշտ լուծում կլինի»,- ասաց
Ավետիք Չալաբյանը։
Դատարանը հեռացավ խորհրդակցական սենյակ՝ քննելու բացարկի միջնորդությունը, և վերադառնալով՝ հայտարարեց, որ մերժել է պաշտպանական խմբի միջնորդությունը՝ շարունակելով քննել Ավետիք Չալաբյանի կալանքը երկարացնելու վերաբերյալ մեղադրող կողմի ներկայացրած միջորդությունը։
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Տավուշում ոչ մի գազատար չի կառուցվել, նման գործընթաց չկա. մարզպետ
Իրանում պատերազմը Հնդկաստանին կանգնեցրել է գազային ճգնաժամի առաջ
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Հայ-վրացական գազատարը Հայաստանի խնդրանքով կտեղափոխվի
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...