ԱԳՆ-ի փաստացի ծախսերը 2021թ. կազմել են 17 մլրդ 90 մլն դրամ. ֆիննախ

2021թ. ՀՀ արտաքին գործերի նախարարությանը պետբյուջեից սկզբում նախատեսվել է հատկացնել 18 մլրդ 240,7 մլն դրամ։ Բայց ճշգրտված բյուջեի հետ կապված՝ հատկացվել է ընդամենը 17 մլրդ 427,3 մլն դրամ։ Այս մասին հունիսի 6-ին Ազգային ժողովում, խորհրդարանական մշտական հանձնաժողովների համատեղ նիստում, 2021թ. պետական բյուջեի կատարողականի նախնական քննարկման ժամանակ, ասել է հանրապետության ֆինանսների նախարար Տիգրան Խաչատրյանը։

Նրա խոսքով՝ սկզբում նախատեսվել էր իրականացնել 6 ծրագիր 19 միջոցառմամբ, բայց փաստացի հաջողվել է կատարել միայն 18-ը։ «Փաստացի ծախսերը կազմել են 17 մլրդ 90 մլն դրամ։ Կատարողականը կազմել է 98,1 տոկոս»,- տեղեկացրել է Խաչատրյանը։