Standard & Poor’s-ը նվազեցրել է Ռուսաստանի՝ արտաքին պարտքը մարելու կարողության գնահատականը

Standard & Poor’s-ը նվազեցրել է Ռուսաստանի՝ արտաքին պարտքը մարելու կարողության գնահատականը՝ ազդարարելով աճող հեռանկարների մասին առ այն, որ Մոսկվան վերջին հարյուրամյակում առաջին անգամ արտաքին վարկերի դեֆոլտ կհայտարարի:

S&P Global Ratings-ը վարկանիշը նվազեցրել է մինչեւ «ընտրովի դեֆոլտի» մակարդակի այն բանից հետո, երբ Ռուսաստանը պայմանավորվել է արտասահմանյան պարտատոմսերի համար ռուբլով վճարումներ անելու մասին, մինչդեռ վճարումները պետք է արվեին դոլարով: S&P-ն հայտարարել է, որ չի ակնկալում, որ Ռուսաստանը կկարողանա դոլարը ռուբլու վերածել թույլատրելի 30-օրյա ժամկետում:

S&P-ի հայտարարության մեջ նշվում է, որ այդ որոշումը մասամբ հիմված է եղել այն կարծիքի վրա, որ Ռուսաստանի դեմ սահմանված պատժամիջոցները «հավանաբար էլ ավելի կուժեղացվեն առաջիկա շաբաթներին, ինչը կխանգարի Ռուսաստանի տեխնիկական հնարավորություններին եւ պատրաստվածությանը հետեւելու իր պարտականությունների կատարմանը»:

Թեեւ Ռուսաստանը հասկացրել է, որ պատրաստ է վճարել իր պարտքերը, ՌԴ-ն նախազգուշացրել է նաեւ, որ ամեն ինչ կանի ռուբլով, եթե իր արտասահմանյան արժույթներով հաշիվները սառեցված մնան:

Արեւմտյան պատժամիջոցները լրջորեն հարվածել են Ռուսաստանի տնտեսությանը, իսկ S&P-ն ու այլ վարկանշային գործակալություններ արդեն նվազեցրել են նրա պարտքի վարկանիշը: