Վաճառքի է հանվել RUF RT12 R մակնիշի եզակի սուպերքարը

Գերմանական RUF թյունինգային ընկերությունը, որը հայտնի է Porsche-ի սպորտային մեքենաների խորքային ձեւափոխումներով, ավելի քան 75 տարվա ընթացքում բացառիկ թյունինգային մոդելներ է ստեղծել: Շտուտգարտում արտադրված եւ թյունինգի ենթարկված եզակի մոդելներից է RT12 R-ը, որի հիմքում ընկած է 997 սերնդի Porsche 911 կուպեն, գրում է Мотор-ը:

Հնարավորություն է ստեղծվել աճուրդի ժամանակ ձեռք բերելու 13 օրինակով թողարկված RUF RT12 R մոդելներից մեկը, որը նաեւ երկու հետնաքարշակ սպորտային մեքենաներից մեկն է այս մոդելային շարքում: Ի դեպ, մեքենան գտնվում է կատարյալ վիճակում:

RUF Automobile-ը RT12 փաթեթը ներկայացրել է 2004 թ. աշնանը Էսենում կայացած թյունինգային նախագծերի ցուցահանդեսի ժամանակ: Ընկերության ներկայացրած աշխատանքը դարձել է 911 կուպեի առաջին խորքային վերափոխումների ծրագիրն աշխարհում:

Հիմնական փոփոխություններն ընդգրկել են տեխնիկական բնութագրիչները. 3.6 լիտր, 6 մխոցային շարժիչի աշխատանքային ծավալը հասցվել է 3,8 լիտրի, իսկ հզորությունը՝ 560 ձիաուժից 685-ի:

Հետնաքարշակ համակարգով մեքենաներից մեկն աճուրդի է հանվել Mecum աճուրդում: Մեքենայի գինը, որի վազքը 2015թ. ի վեր կազմում է 445 կմ, չի հաղորդվել: