Ուկրաինան 1.7 մլրդ եվրոյի արժողությամբ 100 ինքնագնաց հաուբից է խնդրել Գերմանիայից. Welt

Ուկրաինայի իշխանությունները հարցում են ուղարկել Գերմանիայի կառավարությանը Panzerhaubitze 2000 տեսակի 100 ինքնագնաց հաուբիցի մատակարարման մասին, հաղորդել են Կիեւում գերմանական Welt պարբերականի աղբյուրները: Դրանց ընդհանուր արժեքը գնահատվել է 1.7 մլրդ եվրո:

Նշվում է, որ Ուկրաինային սպառազինման մատակարարման մասին առաջարկը ստացվել է Krauss-Maffei Wegmann ընկերությունից: Մատակարարումից հետո ընկերությունը մտադիր է նոր հաուբիցներ արտադրել Գերմանիայի համար, որպեսզի փոխարինի Կիեւին փոխանցած տեխնիկան: Կոնցեռնը կկարողանա նոր տեխնիկայի առաջին նմուշները մատակարարել պայմանգրի ստորագրումից 30 ամիս անց, մատակարարումն ամբողջությամբ ավարտին կհասցվի 2027թ.:

Գերմանիայի էկոնոմիկայի նախարարությունը ու Krauss-Maffei Wegmann ընկերությունը հրաժարվել են մեկնաբանություններց, փոխանցում է «Կոմերսանտը»:

Politico պարբերականն ավելի վաղ տեղեկացրել էր, որ Գերմանիայի կանցլեր Օլաֆ Շոլցը հետաձգել է Ուկրաինային 100 տան մատակարարելու մասին վերջնական որոշումը, նման առաջարկ են մշակել էկոնոմիկայի նախարար Ռոբերտ Հաբեքը եւ ԱԳ նախարար Անալենա Բերբոքը: Բացի այդ, Welt պարբերականի տվյալներով՝ Գերմանիայի իշխանությունները հրաժարվել են Կիեւի խնդրանքով Ուկրաինային 100 Marder հետեւակի մարտական մեքենա մատակարարելուց: