«Հարաբերությունները խզվեցին հարսանիքից հետո». Դիլարան հաստատել է իր եւ Մորգենշտերնի ամուսնալուծությունը
Սենսացիոն հարսանիքից մեկ տարի էլ չի անցել, իսկ երիտասարդ ամուսիններ Մորգենշտերնն ու Դիլարան արդեն հայտարարել են ամուսնալուծության մասին։ Աղջիկը հաստատել է ռեփերի հետ բաժանումը YouTube-ում Ալիշերի նոր՝ «Սելավի» թրեքի թողարկումից հետո տեսահոլովակում։ Ըստ Դիլարայի՝ իրենք չեն համապատասխանել բնավորություններով։
«Մեր հարաբերությունները խզվեցին հարսանիքից հետո: Ամբողջ ամուսնության ընթացքում ես հասկացա, որ միայն ռոմանտիկ եւ ֆիզիկական գրավչության վրա չես կարող ընտանիք կառուցել։ Իրականում Ալիշերը շատ խելացի մարդ է, նա սպունգի պես կլանում է նոր գաղափարները։ Ուզում եմ շնորհակալություն հայտնել քեզ, Ալիշեր, այն հեքիաթի համար, որը դու նվիրեցիր ինձ»,- կիսվել է Դիլարա Զինատուլինան։
Մորգենշտերնը եւ Դիլարան սկսել են հանդիպել 2017 թվականին։ Նրանք ամուսնացել են անցյալ տարվա օգոստոսի վերջին։ Սիրահարների տոնը մեծ մասշտաբով անցկացվել է Մոսկվայում, հաղորդավարուհին Քսենյա Սոբչակն էր։ Դիլարայի խոսքով՝ հենց հարսանիքից հետո է սկսվել իրենց հարաբերությունների ամենավատ շրջանը՝ առօրյան ու կենցաղային հարցերը։
«Ամուսնությունը մեզ համար չէ։ Կարող եք մեզ մի փունջ ախտորոշումներ տալ, ուղարկել հոգեբանի, հոգեբույժների մոտ, ասել, որ մանկության չլուծված տրավմա ունենք։ Ինձ չի հետաքրքրում: Բայց հարսանիքից հետո ինչ-որ պահի ամեն ինչ փչացավ։ Մենք նախկինում երբեք չենք կարոտել միմյանց: Ունեցանք բաժանումներ, վառ հանդիպումներ, վրդովմունք, կիրք, սկանդալներ։ Հավանաբար, ձեզնից շատերը չէին կարող մեկ ամիս մնալ նման հարաբերությունների մեջ, բայց մենք տարիներ շարունակ ապրել ենք դրանում։ Հարսանիքից հետո մենք թաղվել էինք կյանքի առօրյայի մեջ։ Մենք միայն ուտում, քնում, համակարգչով խաղում էինք։ Սկզբում դա հաճելի էր, բայց հետո դա հանգեցրեց ապատիայի, դյուրագրգռության, եւ մենք չկարողացանք դուրս գալ դրանից », - ասել է Դիլարա Զինատուլինան:
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Էս լրիվ գողական եք հա՞ գնում․ ԱԺ ում լարված մթնոլորտ է
Փարիզի Սամուելյանի Արևելյան գրախանութի աճուրդի հանված արժեքավոր որոշ գրքեր արդեն Հայաստանում են
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականությ...
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Իրանում պատերազմը Հնդկաստանին կանգնեցրել է գազային ճգնաժամի առաջ
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...