Ճապոնիան կարգելի Ռուսաստանից ածխի ներմուծումը եւ մի շարք լրացուցիչ պատժամիջոցներ կմտցնի
Ճապոնիան, որն աշխարհում ածուխ ներմուծող երրորդ ամենամեծ երկիրն է, հայտարարել է, որ կարգելի Ռուսաստանից ածխի ներմուծումը եւ մի շարք լրացուցիչ պատժամիջոցներ կմտցնի, ներառյալ երկու խոշոր բանկերի ակտիվների սառեցումն ու ֆիզիկական անձանց դեմ պատժամիջոցների ընդլայնումը, տեղեկացրել է Reuters-ը։
Կառավարության տվյալներով՝ 2021թ. Ռուսաստանին բաժին էր ընկնում Ճապոնիա ածխի ներմուծման 11 տոկոսը։ 2021թ. Ռուսաստանը հում եւ հեղուկացված բնական գազի (ՀԲԳ) մեծությամբ հինգերորդ մատակարարն էր այդ երկիր։
ԱՄՆ-ի Էներգետիկ տեղեկատվության վարչության տվյալներով՝ Ճապոնիան ներմուծում է իր կողմից սպառվող գրեթե ողջ ածուխը, ինչը նրան դարձնում է ածուխ ներմուծող մեծությամբ երրորդ երկիրը Հնդկաստանից եւ Չինաստանից հետո։
«Մենք պետք է այլընտրանքային մատակարարներ գտնենք, այլապես կբախվենք դժվարությունների ածխով ապահովվելու գործում, ինչը կարող է հանգեցնել էլեկտրաէներգիայի մատակարարումների եւ այլ խափանումների։ Մենք պետք է խուսափենք նման իրավիճակից»,- ուրբաթ ավելի վաղ ասել էր արդյունաբերության նախարար Կիոտի Հագիուդան։
Ճապոնիան իր գործողությունները կհամաձայնեցնի Միացյալ Նահանգների եւ եվրոպական երկրների հետ՝ այն բանից հետո, երբ «մեծ յոթնյակի» անդամները հանդես եկան Ռուսաստանի դեմ լրացուցիչ պատժամիջոցներ մտցնելու հայտարարությամբ։
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Էս լրիվ գողական եք հա՞ գնում․ ԱԺ ում լարված մթնոլորտ է
Երևանը միանում է «Երկրի ժամ» համաշխարհային բնապահպանական նախաձեռնությանը
Իրանում պատերազմը Հնդկաստանին կանգնեցրել է գազային ճգնաժամի առաջ
Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականությ...
Փարիզի Սամուելյանի Արևելյան գրախանութի աճուրդի հանված արժեքավոր որոշ գրքեր արդեն Հայաստանում են