Քանյե Ուեսթը նոր ալբոմը կթողարկի միայն իր սթրիմինգային հարթակում

Ամերիկացի ռեփեր Քանյե Ուեսթը հայտարարել է, որ նոր Donda 2 ալբոմը կթողարկվի միայն իր՝ Stem Player սթրիմինգային հարթակում, եւ ոչ Apple Music-ում, Spotify-ում եւ Youtube Music-ում: Այս մասին հաղորդում է Pitchfork ամսագիրը։

Նրա խոսքով՝ այս որոշումը երաժշտական ինդուստրիայի պատասխանն է նրանց վրա սթրիմինգային հարթակների բացասական ազդեցության, որոնցից կախված են կատարողները:

«Այսօր արտիստները ստանում են գումարի ընդամենը 12 տոկոսը, որը վաստակում է ինդուստրիան։ Ժամանակն է երաժշտությունն ազատել այս ճնշող համակարգից: Եկել է վերահսկողության տակ վերցնելու եւ սեփական աշխարհը կառուցելու ժամանակը», - իր որոշումը հիմնավորել է երաժիշտը։