112. Ժիրինովսկու մոտ գլխուղեղի բորբոքային գործընթացներ են ախտորոշել

Ռուսաստանի Լիբերալ-դեմոկրատական կուսակցության նախագահ Վլադիմիր Ժիրինովսկու վիճակը, «112» Telegram-ալիքի տվյալներով, գնահատվում է կայուն ծանր, սակայն նրա առողջությանը մեծ վտանգ է սպառնում ուղեղում բորբոքային գործընթացների պատճառով։

Քաղաքական գործչին արհեստական շնչառության սարքին են միացրել։ Ժիրինովսկին Մոսկվայի կենտրոնական կլինիկական հիվանդանոցում բժշկական անձնակազմի մշտական հսկողության տակ է։

Փետրվարի 9-ին հայտնի է դարձել, որ Ժիրինովսկուն հոսպիտալացրել են կորոնավիրուսային վարակով։ Տարբեր լրատվամիջոցներ հայտնել են, որ նա ծանր վիճակում է, նրա մոտ հայտնաբերվել է երկկողմանի թոքաբորբ։ Տարբեր գնահատականներով՝ վնասված է նրա թոքերի 30-ից մինչեւ 75%-ը։

Ավելի վաղ Առողջապահության նախարարությունում պատմել են ՌԼԴԿ-ի առաջնորդ Վլադիմիր Ժիրինովսկու վիճակի մասին։

Գերատեսչությունում ճշտել են, որ քաղաքական գործչի վիճակը կայուն է, նրան մշտապես ցուցաբերվում է բժշկական օգնություն, սակայն նրան դուրս գրելու մասին խոսելը դեռ վաղ է։