Մահացել է King Crimson-ի համահիմնադիր Իէն Մաքդոնալդը

Բրիտանացի երաժիշտ, King Crimson ռոք խմբի համահիմնադիր Իէն Մաքդոնալդը մահացել է 75 տարեկան հասակում, հաղորդում է Rolling Stone ամսագիրը՝ վկայակոչելով հանգուցյալի ընտանիքի հայտարարությունը:

Մահը վրա է հասել Նյու Յորքում գտնվող երաժշտի տանը՝ ընտանիքի շրջապատում։

Մահվան պատճառը քաղցկեղն է։

King Crimson պրոգ ռոք խումբը, որը ձայնագրել է այնպիսի հիթեր, ինչպիսիք են Epitaph-ը, 21st Century Schizoid Man-ը եւ The Court of the Crimson King-ը, գոյություն է ունեցել 1968 թվականից, 14 ալբոմներից վերջինը թողարկվել է 2003 թվականին:

Լքելով King Crimson-ը՝ Իէն Մաքդոնալդը մի քանի տարի նվագել է Foreigner ռոք խմբում։ Մասնակցել է T. Rex — Electric Warrior խմբի ալբոմներից մեկի ձայնագրությանը։