Ռուսաստանում մեկ օրում կորոնավիրուսից ավելի քան 700 մարդ է մահացել

Ռուսաստանում մեկ օրում կորոնավիրուսից ավելի քան 700 մարդ է մահացել։ Վարակման դեպքերի թիվը վերջին մեկ օրում ավելացել է 177 282-ով՝ հասնելով 12 630 047-ի։ Այս մասին լրագրողներին հայտնել է վարակների վերահսկման դաշնային շտաբը, փոխանցում է ՏԱՍՍ-ը։

Ռուսաստանում կորոնավիրուսից բուժվածների թիվը մեկ օրում ավելացել է 60 507-ով՝ նախորդ օրվա 58 449-ի դիմաց։ Ընդհանուր առմամբ, համաճարակի սկզբից երկրում գրանցվել է ապաքինման 10 509 688 դեպք։

Ռուսաստանում կորոնավիրուսից մահվան դեպքերի թիվը մեկ օրում ավելացել է 714-ով՝ հասնելով 334 753-ի։ Հունվարի 15-ից ի վեր առաջին անգամ այս ցուցանիշը գերազանցել է 700-ը։ Մեկ օր առաջ գրանցվել էր մահվան 682 դեպք։

Ռուսաստանում մեկ օրում կորոնավիրուսի պատճառով հոսպիտալացվածների թիվը կազմել է 18 032, ինչը 1,3%-ով ավելի է նախորդ օրվա համեմատ (17 798)։