SpaceX հրթիռի արձակումը իտալական արբանյակով կրկին մեկ օրով հետաձգվել է

Իտալական COSMO-SkyMed երկրային դիտորդական արբանյակը կրող SpaceX Falcon-9 հրթիռի արձակումը եղանակային անբարենպաստ պայմանների պատճառով ուրբաթից շաբաթ է հետաձգվել։ Այս մասին հաղորդվել է SpaceX-ի կայքում, փոխանցում է ՏԱՍՍ-ը։

Ջոն Քենեդու անվամ տիեզերական կենտրոնի հարթակից արձակման չեղարկման մասին տեղեկությունը հայտնվել է մեկնարկից մի քանի րոպե առաջ, որը պետք է տեղի ունենար Արեւելյան ափի ժամանակով 18:11-ին։ Արձակումը նախատեսված էր հինգշաբթի, սակայն համանման պատճառներով հետաձգվեց ուրբաթ:

Արձակման նախապատրաստվող ռադիոլոկացիոն արբանյակը պատկանում է Իտալիայի տիեզերական գործակալությանը։ Ռուսական «Սոյուզ-ՍՏ» հրթիռ-կրիչը նույնպիսի արբանյակ ուղեծիր էր ուղարկել 2020 թվականի դեկտեմբերին։