«Սասնա ծռերին» չհամարելով քաղաքական հետապնդվողներ, Արմեն Բիլյանին հայտարարում եմ քաղաքական բանտարկյալ

Երեկ հրապարակվեց Արմեն Բիլյանի հայտարարությունը, այսօր՝ Ալեք Ենիգոմշյանի հոդվածը։
Տեղեկացնեմ, որ Արմեն Բիլյանին անձամբ չեմ ճանաչել։Անցյալ տարի ամռանը, նրա խնդրանքով հանդիպեցինք և նա մանրամասն պատմեց իր բանտային ողջ պատմությունը։ Իհարկե, ես միամիտ չեմ, հասկանում եմ, որ ցանկացած մեղադրյալ,պատմությունը պատմում է ըստ իր շահերի։ Ինքս սկսեցի հետաքրքրվել նրա գործով։ Պարզվեց, որ նա միանգամայն ճիշտ էր և որ որևէ կապ չուներ ոստիկանի սպանության հետ։ Հետագայում, հանդիպեցի նաև Ալեք Ենիգոմշյանի հետ և առավել ևս համոզվեցի, որ անմաքուր գործարք է կատարվել, երեկվա «Սասնա ծռեր», այսօրվա Վիլսոնի վկաների և իշխանությունների միջև։
Ամենայն պատասխանատվությամբ հայտարարում եմ, Արմեն Բիլյանի նկատմամբ տեղի է ունենում աղաղակող անարդարություն։ «Սասնա ծռերին» չհամարելով քաղաքական հետապնդվողներ, Արմեն Բիլյանին հայտարարում եմ քաղաքական բանտարկյալ։