Աքթաուի օդանավակայանում, որտեղ շարունակվում են հանրահավաքները, չվերթները հետաձգվում են

Մի քանի թռիչքներ ուշանում են Աքթաուի օդանավակայանում, մեկ չվերթ չեղարկվել է, տեղեկացնում է Sputnik Казахстан-ը՝ հղում կատարելով օդանավակայանի կայքին։

Թբիլիսիի չվերթը (SKAT) տեղափոխվել է ժամը 22.55-ից 01.00։

Նուր Սուլթան թռիչքը տեղափոխվել է ժամը 22.35-ից 08.05։

Ալմաթիի չվերթը (Air Astana) տեղափոխվել է 23.40-ից 12.35։

Աքթաուից Աթիրաու չվերթը (FlyArystan) չեղարկվել է։

Գազի գնի կտրուկ թանկացման պատճառով առաջ եկած բողոքի ցույցերը սկսվել են Մանգիսթաուի մարզում Նոր տարվանից անմիջապես հետո։ Ցույցերը տեղի են ունեցել Ժանաոզենում, Կուրիկում, Ակշուկուրում, Աքթաուում եւ նավթագազային շրջանի այլ բնակավայրերում այն բանից հետո, երբ գազի արժեքը ավտոտրանսպորտի լիցքավորման համար կրկնակի ավելացել էր՝ մեկ լիտրը 120 թենգե։

Մարդիկ պահանջում էին իջեցնել գները, Մանգիսթաուում, կառավարության որոշմամբ, արժեքն իջեցվեց մինչեւ մեկ լիտրը 50 թենգե։ Հունվարի 4-ին բողոքի ակցիաներ տեղի ունեցան նաեւ Ղազախստանի այլ շրջաններում։

Ի պատասխան գազի գների բարձրացման պատճառով տեղի ունեցող ցույցերի՝ տեղի իշխանությունները Մանգիսթաուում եւ Ակտյուբինսկի մարզում հայտարարեցին, որ գազի արժեքը կիջեցվի մինչեւ մեկ լիտրը 50 թենգե։

Ցուցարարներն Աքթաուում փակում էին ճանապարհները, այդ թվում՝ ինչ-որ ժամանակով փակ էր օդանավակայան տանող ճանապարհը։