Այս իշխանություններն ընդհանրապես «կարմիր գիծ» չունեն, որից այն կողմ չեն զիջելու․ Արմեն Ռուստամյան
ՀՀ անկախության պատմության մեջ այնպիսի խայտառակ ընտրությունների կազմակերպում և անցկացում՝ ինչպիսին ՏԻՄ ընտրություններն էին, Հայաստանում չի եղել: Այս մասին ասել է ԱԺ «Հայաստան» խմբակցության պատգամավոր Արմեն Ռուստամյանը 2021 թ. նոյեմբեր-դեկտեմբեր ամիսներին Հայաստանում կայացած ՏԻՄ ընտրություններում ՀՅԴ և նրա կազմած դաշինքների ցուցակներում ընդգրկված քաղաքացիների և աջակիցների հետ հանդիպման ժամանակ։
«Մի մեծ շիրմաքար է դրվել «ժողովրդավարություն» հասկացության վրա ՏԻՄ ընտրություններում իշխանության ձեռքով։ Այս իշխանությունների հոգեվարքը սկսվելու է հենց այս ընտրությունների արդյունքներից։ Ամեն մեկն իր տանը պետք է զգա այս պատուհաս իշխանություններից ազատվելու անհրաժեշտությունը»,-ասաց Արմեն Ռուստամյանը։
Իսկ ընդհանուր առմամբ, նրա գնահատմամբ,Հայաստանն այսօր ծայրահեղ ծանր վիճակում է․ երբեք այդքան անզոր չենք եղել միջազգային ասպարեզում, որքան այսօր Հայաստանը ներկայանում է այս իշխանություններով։
«ՀՀ իշխանությունների անկարողությամբ և անփառունակ պահվածքով մենք հասնում ենք նրան, որ ուղղակի միասին՝ նրանք դրսից, ՀՀ իշխանությունները՝ ներսից, երկիրը տանում են նորանոր, կենսական զիջումների, որից այն կողմ հենց պետականության կորուստն է, որ տեղի է ունենում»,-ասաց Արմեն Ռուստամյանը։
Նա արձանագրեց, որ այս իշխանություններն ընդհանրապես «կարմիր գիծ» չունեն, որից այն կողմ չեն զիջելու։
Մինչդեռ այդ «կարմիր գծերը» իրենց համար շատ ակնհայտ են, և դրա համար են կոչ անում ժողովրդիին դիմադրել, կանգնել և չնահանջել, որովհետև դրանից հետո այլևս անիմասն է լինելու խոսել մեր տեսակի պահպանության մասին։
Այդ կարմիր գծերից մեկը, Արմեն Ռուստամյանի խոսքով` այն բոլոր ծրագրերն են, որոնք ուղղված են պանթյուրքական ծրագրերն իրականացնելուն։ Իսկ այդ ծրագրերով սեպի նման այդ շղթան կտրում է Հայաստանը Սյունիքով, ինչն իրենց երազանքն է եղել, և այսօր մեր շուրջը տեղի են ունենում այդ պրոցեսները։
Նա փաստեց, որ այս իշխանությունները հաճախ մեզ մոլորեցնում են, որ «Զանգեզուրի միջանցքի» տրամաբանություն չկա, այնինչ այդ ճանապարհը, միևնույն է, վերածվելու է միջանցքի, որ մեզ զրկելու է սուվերենությունից։
«Հայաստանի թուրքացումը հենց սա է։ Սա լինելու է վերջը»,- հավելեց նա:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...