Եթե սահմանազատումը չկապենք Արցախի ինքնորոշման հետ մեկ փաթեթում, լուրջ վտանգ է սպասում Արցախին. Սեյրան Օհանյան
Երբեք անակնկալ չեն եղել այս իշխանության գործողությունները. Հասկանալի էր, որ իրենք կարող են բոյկոտել ԱԺ նիստը: Այս մասին այսօր՝ դեկտեմբերի 15-ին, ԱԺ-ում լրագրողների հետ զրույցում ասաց ԱԺ «Հայաստան» խմբակցության ղեկավար Սեյրան Օհանյանը՝ անդրադառնալով նրան, որ այսօր ՔՊ-ն բոյկոտեց ընդդիմության նախաձեռնած արտահերթ նիստը, որի օրակարգում սահմանագծման և սահմանազատման հիմնախնդիրների վերաբերյալ նախագիծ էր:
«Նմանատիպ միջոցառումների իրականացումն անհրաժեշտություն է հաշվի առնելով Հայաստանի եւ Արցախի շուրջը ստեղծված իրավիճակը, անվտանգության այս միջավայրը, ներքին ու արտաքին սպառնալիքներընաեւ այն իրադարձությունները, որոնք կատարվում են թե բանակցային գործընթացում, թե անվտանգության խնդիրներում, ՀՀ սահմաններին ու Արցախում: Դրանք մեզ ստիպում են միջոցառումներ ձեռնարկել իրավիճակը գնահատելու: Կարծում եմ՝ այդպիսի նախաձեռնություններ պետք է իրականացնի առաջին հերթին իշխանությունը»,-ասաց նա:
Անդրադառնալով սահմանազատման ու սահմանագծման թեմային, Սեյրան Օհանյանն ասաց, որ սահմանազատման ու սահմանագծման վերաբերյալ լսումներ, հայտարարություն ու ԱԺ արտահերթ նիստ հրավիրելը բխում է Հայաստանի ու Արցախի շուրջ ստեղծված իրավիճակից:
«Մենք բավական բարդ ռազմաքաղաքական իրադրության մեջ ենք, Թուրքիայի կողմից նախաձեռնած վարձկան ահաբեկիչների ընդգրկմամբ ու Ադրբեջանի կողմից սանձազերծված հանցավոր պատերազմի հետևանքով զավթվել է Արցախի տարածքները, նաև՝ թուրք-ադրբեջանական տանդեմը հայտնվել է ՀՀ սահմաններում», - նշեց նա:
Ըստ Օհանյանի՝ չկա Հայաստանում որևիցե մեկ անձ, որ այսօր ասի՝ որտեղով են անցնում մեր սահմանները. «Որովհետև Խորհրդային Միության կազմ մտնելուց հետո Հայաստանի սահմանները տարիների ընթացքում բավականին մեծ փոփոխությունների են ենթարկվել ու սահմանազատման ու սահմանագծման խնդիրներն իրականացնելու շրջանակում լուրջ ուսումնասիրություններ են պետք», - ասաց պաշտպանության նախկին նախարարը:
Նա նշեց, թե սահմանազատման ու սահմանագծման իրական պայմաններ չկան ու եթե դրանք չկապենք Արցախի ինքնորոշման հետ մեկ փաթեթում, ապա լուրջ վտանգ է սպասում Արցախի ճակատագրին. «Սահմանազատում ու սահմանագծում նշանակում է խաղաղության պայմանագիր, նշանակում է փոխադարձ տարածքային ամբողջականության ճանաչում ու նշանակում է ճանաչել Ադրբեջանի տարածքային ամբողջականությունը, նաև մի մեծ քար գցել Արցախի ճակատագրին», - նշեց Օհանյանը:
Ընդդիմադիր պատգամավորի խոսքով՝ Հայաստանի իշխանությունները գնում են բանավոր պայմանավորվածությունների՝ խախտելով բոլոր օրենսդրական կետերին հավատարիմ լինելու ընթացակարգերը՝ սկսած նոյեմբերի 9-ի փաստաթղթից:
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Մակրոնը և Սթարմերը Ուկրաինայի հարցով հանդիպում են հրավիրել
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Էմանուել Մակրոնի հետ Գյումրի այցը մեկնարկում է 1988-ի երկրաշարժի զոհերի հիշատակին հարգանքի տուրքի մա...
ԿԸՀ-ն սահմանել է նախընտրական քարոզչության ժամանակ հեռարձակողների կողմից եթերաժամ տրամադրելու կարգը
ԵՔՀ 8-րդ գագաթնաժողովի բացման արարողությունը Երևանում. ուղիղ
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...