ԵՏՄ տարածքում պլանավորվում է դեղամիջոցների վերահսկիչ դրոշմապիտակներ սահմանել
ԵՏՄ տարածքում պլանավորվում է դեղամիջոցների վերահսկիչ դրոշմապիտակներ սահմանել, որոնք նման կլինեն այսօր Հայաստանում օգտագործվող դրոշմապիտակներին։ Այս մասին լրագրողների հետ զրույցում ասել է Է. Գաբրիելյանի անվան բժշկական տեխնոլոգիաների եւ դեղերի փորձաքննության կենտրոնի տնօրեն Հակոբ Թոփչյանը։
Նրա խոսքով՝ այդ դրոշմապիտակների շնորհիվ հնարավոր կլինի հետեւել, թե ինչ ճանապարհ է անցել դեղամիջոցը՝ արտադրողից մինչեւ սպառող, ինչը կարող է կրճատել ստվերային շրջանառությունը եւ ապահովել սպառողներին կեղծ դեղերից։
«Հնարավոր կլինի իմանալ, թե երբ եւ որտեղ է արտադրվել դեղը, որ դեղատնից է գնվել եւ որ հիվանդն է այն օգտագործում»,– նշեց Թոփչյանը՝ հավելելով, որ այսօր Հայաստանում օգտագործվող դրոշմապիտակները նույնպես թույլ են տալիս տեսնել այդ ճանապարհը, բայց ոչ մինչեւ վերջնական սպառողը, այլ մինչեւ ներմուծողը։
Թոփչյանի խոսքով՝ բոլոր ԵՏՄ երկրներում միասնական դրոշմապիտակների կիրառումը հիմա քննարկվում է, եւ եթե երկրները համաձայնության գան, վերահսկիչ դրոշմապիտակները կարող են կիրառվել արդեն 2018–ից։
Մոտավորապես մեկ ու կես տարի առաջ Հայաստանում ներդրեցին դեղերի համար պարտադիր վերահսկիչ դրոշմապիտակները, որոնք, պաշտոնատար անձանց խոսքով, պետք է կրճատեին ստվերային շրջանառությունը: Հայաստանի Դեղ արտադրողների եւ ներմուծողների միության ղեկավար Սամվել Զաքարյանը կարծում է, որ դրանց կիրառումը ոչ մի նշանակալի փոփոխությունների չի հանգեցրել։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...