Բա կործանումն ու ցեղասպանությունը հո պոզով պոչով չի լինում, կամ էլ հարցնելով՝ դուք ցանկանու՞մ եք ցեղասպանվել, թե ոչ...

Քանի դեռ ՀՀ իշխանությունը գտնվում է պանթյուրքիստական ուժերի դրածոների ձեռքում, մոռացե՛ք արդարության, խաղաղության և տնտեսական զարգացման մասին։ Շատ կարճ ժամանակում լինելու է ճիշտ հակառակը՝ պատերազմ, անարխիա, բռնություն, անարդարություն և համատարած աղքատություն։
ա. պատերազմ է լինելու, որովհետև ինչպես տեսանք, ադրբեջանը փոխպայմանավորված պատերազմով ստացավ Արցախը, ուստի և նույն, արդեն փորձված տարբերակով, ստանալու է նաև Հայաստանի որոշ շրջանները։
բ. արդարություն չի լինելու, որովհետև արդեն իսկ ժողովուրդը տեսնում է, թե համատարած անօրինականությունները ինչ սարսափելի չափերի են հասել, պետականից մինչև մասնավոր, և այդ «անտերություն»-ը էլ ավելի մեծ թափ է ստանալու։
գ. տնտեսական զարգացում չի լինելու, որովհետև թուրքական կապիտալը հոսելու է դեպի մեր երկիր, թուրք խոշոր գործարարները գնելու են բոլոր միջին և խոշոր ձեռնարկությունները, ընկերությունները, այդպիսով ոչնչացնելով մեր պետության տնտեսական ոլորտը ևս։ Իսկ մեր ժողովրդի այն հատվածը, որը շարունակելու է ապրել Հայաստանում, պարտադրված դառնալու է ընդամենը էժան աշխատուժ, ինչպես աֆրիկյան ծայրահեղ աղքատ ու չզարգացող երկրներում։
դ. անվտանգության մասին էլ, անգամ հասարակական մակարդակով, մոռանալ է պետք, էլ չեմ ասում պետական: Հենց մեկը գլուխ բարձրացնի, բողոքի իր վիճակից, ընդվզի, ենթարկվելու է ամենադաժան բռնության։
Ժողովուրդ ջան, սիրելի հայրենակիցներ ջան, բա կործանումն ու ցեղասպանությունը հո պոզով պոչով չի լինում, կամ էլ հարցնելով՝ դուք ցանկանու՞մ եք ցեղասպանվել, թե ոչ...