Չեխիայի կառավարությունը համաձայնել է հրաժարական տալ

Չեխիայի կառավարությունը համաձայնել է հրաժարական տալ, ասել է վարչապետ Անդրեյ Բաբիշը՝ խոստանալով, որ իր հեռացող կառավարությունը կշարունակի COVID-19-ի վերսկսվող համավարակի զսպմանն ուղղված ջանքերը, տեղեկացնում է Reuters-ը։

Նրա խոսքով՝ նա հրաժարականի մասին առաջարկը նամակով ուղարկել է նախագահ Միլոշ Զեմանին, որը հոսպիտալացվել էր հոկտեմբերի 10-ին։

Հրաժարականն ընդունելով՝ Զեմանը պետք է հանձնարարի հեռացող կառավարությանը կատարել պարտականություններն այնքան ժամանակ, քանի դեռ չի ձեւավորվի նոր կառավարությունը, ինչը, ինչպես սպասվում է, տեղի կունենա առաջիկա շաբաթներին։

10,7 մլն բնակչություն ունեցող Չեխիայում գրանցվել է COVID-19-ի 13 502 նոր դեպք, այն դեպքում, երբ հոսպիտալացումների թիվն ավելացել է՝ հասնելով 3452-ի, ընդ որում՝ որոշ հիվանդանոցներ ստիպված են եղել սահմանափակել ոչ շտապ օգնության ցուցաբերումը։

Բաբիշը եւ դաշնակիցները պարտվել են հոկտեմբերի 8-9-ի ընտրություններում ընդդիմադիր երկու դաշինքի, որոնք արդեն պայմանավորվել են ձեւավորել կառավարություն՝ Պետր Ֆիալայի վարչապետությամբ։