«Պապ, դու որ լավ ես, ես լավ կլինեմ»․ Պատերազմում զոհված 19-ամյա Ժորան Արցախի Տող գյուղից էր
44-օրյա պատերազմում զոհված 19-ամյա Ժորա Սահակյանը Տող գյուղից էր։ Նա բանակ էր զորակոչվել 2019 թվականի հուլիսի 1-ին, ծառայում էր Մարտակերտ քաղաքում։
«Պատերազմի ընթացքում գրեթե ամենօրյա կապ կար, բայց շատ կարճ, ասում էր՝ լավ եմ, հանգիստ եղեք։ Հոկտեմբերի 21-ին թուրքերը մտնում են մեր գյուղ ստիպված հեռանում ենք։ Հետնահանջով գալիս են մինչև Կարմիր շուկա, հետո Սարուշեն ու հասնում մինչև Ստեփանակերտ։ Հոկտեմբերի 23-ին տղաս զանգում է, ասում է՝ պապ մեզ տեղափոխում են երկրորդ պաշտպանական, ես էլ արդեն գիտեի, որ ադրբեջանցիները դիմացի բարձունքին են՝ Ամարասից ներքև, չոքերիս խփելով ասում եմ՝ ինչի՞ են տեղափոխել տղես: Ասեց՝ պապ, ուրեմն այստեղ ենք պետք։ Մնացյալ օրերին զանգեց, բացի 29-ից։ Հոկտեմբերի 30-ին զանգեց, ասացի՝ տղա ջան, խնդրել էի, որ ամեն օր զանգես՝ մենակ թե ձայնդ լսեմ։ Ասաց՝ պապ, վերջիվերջո, պատերազմ է (մինչև դա պատերազմի անուն չէր տալիս), կարող է մի քանի օր չզանգեմ, չանհանգստանաս, դու որ լավ ես, ես լավ կլինեմ։ Ասաց՝ շատ կարևոր տեղ ենք պահում, եթե թողեցինք, կմտնեն Մարտունի»,- NEWS.am-ի հետ զրույցում պատմեց Ժորայի հայրը՝ Վահե Սահակյանը։
Ժորան իր 18 ընկերների հետ զոհվում է հոկտեմբերի 30-ի գիշերը։
«Թուրքերը, որ տեսնում են չեն կարողանում առաջ գալ, հետ են գնում, հրետանին սկսում է խփելը, վերջում եմ դիրքի վրա երկու ռումբ է գցում։ Երեք օր տղաների դիերը մնացել են այդ դիրքում։ Նոյեմբերի 2-ին Սոս գյուղից մի տղա երկու հոգու հետ գնում է, որ դիերը հանի։ Երեք դի վերցնում են, հեռանում են, ինքնաթիռը նորից նույն տարածքի վրա ռումբ է գցում։ Երեխեքը մնում են մինչև նոյեմբերի 18-ը։ Կարմիր խաչը գալիս է երեխաներին հանում, բերում Ստեփանակերտ, ես էլ մեկ ժամ հետո հասնում եմ երեխուս չեմ կարում գտնեմ դիերի մեջ։ Դեկտեմբերի 15-ին ԴՆԹ-ով հաստատվում է․․․Տղաները չեն պարտվել։ Մի քանի ժամ հետ տղաները պետք է չլինեին, բայց համոզված էին, որ իրենք հաղթելու են։ Պարտվել են մեր անշնորհք իշխանությունը, հրամանատարությունը, բայց մեր ննջող երեխաները հերոսներ են»,- նշեց Ժորայի հայրը։
Նվիրումը` անմահություն… Արթուր Ասրյան
«Կարոտը խեղդում է, ուզում եմ գոնե 1 անգամ տեսնել․․․»․ 44-օրյա պատերազմում զոհված Նարեկ Մանուկյանի 21-ամյակը հարազատները նշեցին Եռաբլուրում
Արմեն Չարչյանի գործով դատական նիստը (տեսանյութ)
Աճարկուտցի Դավիթը
Տարոն Սահակյանին հրամայել են ազատ արձակել գերեվարված ադրբեջանցիներին ու ինքն է գերևարվել. Նրան Բաքվում խոշտանգելով սպանել են
Իրանի դեմ հարվածների ֆոնին ՀԱԵ Ատրպատականի թեմը դադարեցրել է եկեղեցական արարողությունները
Հայաստանն ու Իրանն աշխատում են սահմանին երկրորդ կամրջի նախագծի վրա
Եվրախորհրդարանի պատգամավորները չեն կարողացել աշխարհի քարտեզի վրա գտնել Իրանը
Իրանի հարստացված ուրանի պաշարները միջուկային օբյեկտների փլատակներում են
Եվրամիությունը չի հասկանում Իրանում պատերազմի նպատակները. Կալաս
Անկանխիկ ստացման եղանակի անցնելու դիմում չներկայացրած կենսաթոշակառուի համար բանկը ընտրել է ՄՍԾ-ն՝ ին...
Երևանում և մարզերում կլինեն էլեկտրաէներգիայի ընդհատումներ
ԱԹՍ-ի հարվածի հետևանքով Դուբայի միջազգային օդանավակայանի մոտ հրդեհ է բռնկել
Մարմնամարզության տղամարդկանց հավաքականը տուն է վերադառնում
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...