Հայաստանի սահմանամերձ գյուղերի արտոնությունները կերկարաձգեն մինչեւ 2021 թվականը

Հայաստանի սահմանամերձ գյուղերի արտոնությունները կերկարաձգեն 2018-ից մինչեւ 2021 թվականը։ «Սահմանամերձ համայնքներին սոցիալական աջակցության մասին» օրենքում համապատասխան փոփոխությունների նախագիծը հավանություն է ստացել սեպտեմբերի 7-ին՝ Կառավարության նիստում։

37 բնակավայրերի բնակիչները գազի 50–տոկոսանոց (տարեկան 360 խ/մ–ի սահմաններում) եւ էլեկտրաէներգիայի՝ մինչեւ 1440 կՎտ/ժ փոխհատուցում են ստանում։ Ընդ որում, տնային տնտեսությունները, որոնք գազիֆիկացված չեն, իսկ այդպիսիք մոտ 7 հազարն են, էլեկտրաէներգիայի լրացուցիչ սուբսիդավորում կստանան բնական գազի 1850 խ/մ–ի սակագնի չափով։ Այս շրջանների բնակիչները նաեւ ոռոգման ջրի 50-տոկոսանոց սուբսիդավորում կստանան։ Կփոխհատուցվեն նաեւ անմիջականորեն հակառակորդի կրակի տակ գտնվող հողահարկն ու գույքահարկը։

Նշենք, որ այս 37 բնակավայրերում 56 հազար մարդ է ապրում։