Հնդկաստանն ԱՄՆ-ից ձեռք բերած սպառազինությունը տեղաբաշխում է Չինաստանի հետ սահմանին

Հնդկաստանը վերջերս ԱՄՆ-ից ձեռք բերած սպառազինության համակարգերը, այդ թվում ուղղաթիռներն ու հրետանային համակարգերը տեղաբաշխել է հյուսիս – արեւելքում՝ Չինաստանի հետ սահմանի երկայնքով: Հոկտեմբերի 29-ին այդ մասին հաղորդել է The Economic Times թերթը:

Հրատարակության տվյալներով՝ սպառազինությունների տեղաբաշխումը տեղի է ունենում Թավանգի սարավանդում, որը սահմանակից է Բութանին եւ Տիբեթին: Այդ շրջան են տեղափոխվում ամերիկյան արտադրության Chinook ուղղաթիռներ, 155 միլիմետր տրամաչափի М-777 նորագույն գերթեթեւ հաուբիցներ: Բացի դրանից, հնդկական զորամասերի՝ այնտեղ բանակած զինծառայողներն սպառազնության են ստացել ամերկյան արտադրության SIG Sauer 716 նորագույն գրոհային հրացաններ:

«Լեռնային հարվածային զորակազմը լիովին գործի է դրվել: Բոլոր ստորաբաժանումները, ներառյալ մարտական զորամասերը եւ ապահովման զորամասերը, լիովին պատրաստ են եւ հանդերձված»,- մեջբերում է Հնդկաստանի զինված ուժերի Արեւելյան հրամանատարության գլխավոր հրամանատար գեներալ-լեյտենանտ Մանոջա Փանդեն:

Հնդկաստանը եւ Չինաստանն անցյալ դարի կեսերից վեճի մեջ են Քաշմիրի հյուսիսի սահմանակից շրջանի, ինչպես նաեւ Արունաչալ Փրադեշի հյուսիս – արեւելյան նահանգի սահմանին գրեթե 60 հազար քառակուսի կիլոմետր տարածքի պատկանելության շուրջը: 1962 թվականին այդ վեճը հանգեցրեց սահմանային պատերզմի Հնդկաստանի եւ Չինաստանի միջեւ, հաղորդել է ՏԱՍՍ-ը: