ՊՆ փոխնախարարը տեղեկություն չունի Գեղարքունիքում սահմանային լարվածության մասին

Տեղեկություններ կան, այս պահին Գեղարքունիքի պետական սահմանին լարվածություն կա: Այս մասին խորհրդարանում հայտարարեց «Պատիվ ունեմ» խմբակցության պատգամավոր Թագուհի Թովմասյանը և պաշտպանության փոխնախարար Արման Սարգսյանից հետաքրքրվեց՝ ի՞նչ է տեղի ունեցել, նռնակի պայթյունից քանի՞ վիրավոր ունենք, դա ինչ կապ ունի լարվածության հետ:

ՊՆ փոխանախարարն էլ պատասխանեց, որ հստակ տեղեկություն չունի միջադեպի մասին.

«ՊՆ-ից դուրս գալու ժամանակ ես նման տեղեկություն չեմ ստացել: Եթե մինչև նիստի ավարտը ինչ-որ բան լինի, կհորդորեմ, որ մեր լրատվականը արագ հրապարակի, որպեսզի բոլոր կասկածները փարատվեն»:

Պատգամավորն էլ հույս հայտնեց, որ ՊՆ պարզաբանումը չի ուշանա և տարընկալումների և ոչ հավաստի տեղեկությունների տարածումը կկանխվի: