Պատգամավոր Փաշինյանը միտինգ էր անում թանկացման դեմ, վարչապետ Փաշինյանն ամեն ինչ թանկացնում է
Նիկոլը երբ խորհրդարանում ընդդիմադիր պատգամավորի դերն էր խաղում, քարուքանդ էր անում, երբ խոսք էր գնում գազի ու ջրի թանկացման մասին։ Հիմա նրա օրոք ջուրը 25 տոկոսով թանկացնելու հայտ է ներկայացվել, գազը ասում են թանկանում է 30 տոկոսով, ու մարդը լուռ է։
2018 թվականի ձմռանը՝ հեղաշրջումից մի երկու ամիս առաջ, Նիկոլ Փաշինյանն ու Էդմոն Մարուքյանը միտինգ էին անում ընդդեմ գնաճի։ Շառլ Ազնավուրի հրապարակում էր։ Մի հատ քնձռոտ ջորի էին բերել, խոդի չէր ընկնում, ասում էին՝ սա մեր տնտեսության վիճակն է։ Նիկոլը միտինգ էր անում 4-5 տոկոս գնաճի պատճառով։ Գնաճը հիմա կլինի երկնիշ, ի՞նչ է ասում Նիկոլը։ Իր օրոք 50 տոկոսի է հասնում սննդամթերքի գնաճը։ Իսկ Նիկոլի ծախսերը 100 տոոկոսով պետության վրա է՝ մեզ վրա է։ Այսինքն, եթե հիմա ինքը սև իկրայի փող ունի, ուրեմն ամեն ինչ նորմալ է՞։ Գիտեք նա հենց նաև գնաճի թեման շահարկելով՝ իշխանությունը զավթեց, բայց անմիջապես մոռացավ, որ ինքը ցույց էր անում գնաճի դեմ։
Հիմա Նիկոլը իր էկոնոմիկայի նախարար Վահան Քերոբյանի բերանով ասում է՝ պետք չէ խուճապահար լինել ինչ–որ մեկ ամսվա կտրուկ գնաճից։ Նախ եթե քաղաքացին Քերոբյանի պես ոչ թե 1,5 մլն դրամ աշխատավարձ է ստանում, այլ 36 հազար դրամ թոշակ, չի կարող խուճապահար չլինել։ Բայց հարցն այն է, որ դա ինչ-որ մի ամիս չէ։ Արդեն երկու տարի է՝ կտրուկ գնաճի պայմաններում ենք ապրում։
Հենց այսօր հայտարարվեց, որ ջրի գինը դառնում է առնվազն 200 դրամ, ու 10 տարի չի իջնի։ Այո, հունվարի 1-ից ջուրը թանկանում է ու տարիներ շարունակ թանկ եք վճարելու։ Խոսակցություններն արդեն գնալով շատանում են, որ թանկանում է նաև գազը։ Անգամ 30 տոկոսի խոսակցություն կա։ Բանակցում են փոխվարչապետի մակարդակով, բայց քանի որ մենք սրանց բանակցային խելքից տեղյակ ենք, վստահ կարող ենք ասել, որ գազն էլ կթանկանա, լույսն էլ։ Նիկոլը խոստանում էր, որ ջուրը չի թանկանա, երկու ամսից թանկանում է։ Էդ նախկինների ժամանակ 43 դրամով միանգամից ջուրը թանկացնելու հայտ եղե՞լ է։
Մի ապուշ ձևակերպում կա՝ անապահովների համար չի թանկանա։ Բայց դուք այնպես եք հերն անիծել երկրի, որ միջին խավն արդեն դառնում է աղքատ։ Ես պետք է վճարեմ թանկացված գնով, բայց ՔՊ-ական պատգամավորները պետք է վճարեն էժան, ինչի՞, որովհետև նրանք կարողացել են թուղթ տանել, որ բնակարանի վարձ ստանան, ուրեմն թուղթ կտանեն նաև, որ նպաստ ստանան ու արտոնություններից օգտվեն։
Նիկոլը երբ խորհրդարանում ընդդիմադիր պատգամավորի դերն էր խաղում, քարուքանդ էր անում, երբ խոսք էր գնում գազի ու ջրի թանկացման մասին։ Հիմա նրա օրոք ջուրը 25 տոկոսով թանկացնելու հայտ է ներկայացվել, գազը ասում են թանկանում է 30 տոկոսով, ու մարդը լուռ է։
Ուզում եմ էլի անդրադառնալ էկոնոմիկայի նախարարին, որը ամպագոռգոռ խոսելու չեմպիոն է․ մարդը օգոստոսի 6-ին հայտարարում է․ վստահ եմ, որ շոտով կտեսնենք գների էական անկում։ Ո՞ւր է։ Խոստացել ես, տեր կանգնի։ Վերջ ի վերջո, իր խոսքերի համար էս պետության մեջ որևէ պաշտոնյա պիտի՞ պատասխան տա, թե չէ՝ կլինի վարչապետ, թե փոխնախարար։ Ասացեք ապրանք, որը էժանացել է։ Նիկոլ Փաշինյանը ազգային ժողովում ելույթ էր ունենում ու ասում էր՝ ո՞նց ապրեն մարդիկ, հետո քմծիծաղ էր տալիս՝ միս չկա, խառը կանաչի կերեք։ Նիկոլի օրոք էդ խառը կանաչին էլ 60 տոկոսով է թանկացել։ Ի՞նչ ուտեն մարդիկ։
Քա՞նի ապրանքի անուն տամ, որ երկնիշ գնաճ է՝ 60 տոկոսով ձեթը, 40 տոկոսով շաքարավազը, 12 տոկոսով միրգը, կաթնամթերքը, խմիչքը, ամեն ինչ։ Գնացել ենք գյուղ նկարահանման, մարդը բացում ա սառնարանն ու ասում՝ ախպեր ջան, տես, հսկա սառնարան է, Նիկոլի գալուց հետո մենակ ջուր ենք դնում։
Օրինակ՝ կարելի է օլիգարխ Խաչատուր Սուքիասյանին, Անդրանիկ Քոչարյանին, Շիշ բռնողին, Ալենին, Նիկոլին, աներձագին զրկել ապրուստի բոլոր միջոցներից, ամսական վճարել 36 հազար դրամ թոշակ ու ասել՝ դե էսպես երեք ամիս ապրի։ Սրանք մարդկանց եկամուտը բարձրացնելու վերաբերյալ ոչ մի քայլ չեն անում ու ասում են՝ մեկ է՝ մենք շատ ենք։ Ժողովուրդ, մտել են քո գրպանը ու խոսում են քո անունից։ Ու ինչքան ձախողում են, ինչքան վատ են աշխատում, այնքան իրենք ավելի լավ պայմաններում են ապրում։
Ինձ հետաքրքրում է՝ դուք հիմա ավելի լավ եք ապրում, քան 2018 թվականի՞ն։ Վստահաբար չէ։ Բա ո՞րն է պատճառը, որ 2018 թվականին, դրանից առաջ վատ ապրելու համար բողոքի ցույց էիք անում, հիմա չեք անում։ Գուցե նրա համար, որ էն ժամանակ կար Նիկոլ Փաշինյան, որը ամեն մի առիթ օգտագործում էր փողոց փակելու, ելույթ ունենալու ու իշխանության դեմ տրամադրելու համա՞ր։
Ուզում եմ վստահ իմանաք, որ ամեն ինչ ավելի է թանկանալու, սկսած գյուղմթերքից։ Գիտե՞ք ինչու։ Որովհետև Նիկոլի թեթև ձեռքերով հողերը հանձնվում է, իսկ սահմանամերձ շրջաններում մարդիկ չեն ուզում հող մշակել թշնամու նշանառության տակ։ Մարդիկ անասուններին մորթել են։ Ամեն ինչ թանկանում է, որովհետև ներդրողները փախչում են, տեղական արտադրողները գոտիները սեղմում են։
Ես կուզենամ հանդիպել էն տատիկին, որ ասում էր՝ ավելի լավ է հացը դառնա 1000 դրամ, բայց Նիկոլը մնա իշխանության, ուզում եմ հանդիպել ու տեսնել էսօր կուշտ հաց կերել է՞։ Ես ուզում եմ հանդիպել էն պապիկին, որ չագուչ էր Նիկոլին նվիրում ու տեսնեմ իր աշխատավարձը աներձագ Հրաչի չափ է դարձե՞լ։ Ուզում եմ հարցնել՝ ժողովուրդ, դուք փող կարողանո՞ւմ եք տնտեսել, թե՞ ամեն ինչ գնում է սննդի վրա։ Ժողովուրդ գո՞հ եք ձեր ընտրությունից։
Կարճ ասած՝ Այս իշխանությունը բոլոր հնարավոր ձևերով ձեզ վնասել է․ մեկին վնասել է պատերազմով, մյուսին վնասել է քրեական գործերով, երրորդին վնասում է գնաճով։ Չեք կարող գտնել մի մարդ, որը իշխանական համակարգից չէ, նրա ազգ-բարեկամներից չէ ու չի տուժել այս իշխանության ձեռքին։
Վատ է, դժգոհում եք, բայց դա պետք է միս ու արյուն ստանա, դժգոհությունը պետք է երևա հրապարակում, բողոքի ցույցով։ Քանի դեռ ոտքի չեք կանգնել, կշարունակեն քերթել ձեզ։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...
Արսեն Զախարյանի տրանսֆերային արժեքն աճել է
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել