Քննարկվել են դեէսկալացիային ուղղված միջոցառումները եւ հումանիտար հարցեր. ԵԱՀԿ ՄԽ հայտարարությունը
ԵԱՀԿ Մինսկի խմբի համանախագահներ Ստեֆան Վիսկոնտին (Ֆրանսիա), Էնդրյու Շոֆերը (ԱՄՆ) եւ Իգոր Խովաեւը (ՌԴ) այսօր հայտարարությամբ են հանդես եկել:
«Համանախագահները հոկտեմբերի 7-ին եւ 8-ին Ժնեւում խորհրդակցություններ անցկացրեցին ՄԱԿ-ի փախստականների հարցերով գերագույն հանձնակատար Ֆիլիպո Գրանդիի եւ Կարմիր խաչի միջազգային կոմիտեի (ԿԽՄԿ) փոխնախագահ Ժիլ Կարբոնյեի հետ: Հանդիպումներին ներկա էր նաեւ ԵԱՀԿ գործող նախագահի անձնական ներկայացուցիչ Անջեյ Կասպշիկը: Բոլոր մասնակիցներն ընդգծել են միջազգային մարդասիրական կազմակերպությունների կողմից իրենց աշխատանքներն իրականացնելու համար լիարժեք եւ անարգել մուտքի կարեւորությունը: ՄԱԿ-ի Գլխավոր ասամբլեայի շրջանակներում Հայաստանի եւ Ադրբեջանի արտգործնախարարների՝ վերջերս կայացած կառուցողական հանդիպման լույսի ներքո, համանախագահները ողջունեցին Ադրբեջանի կողմից մեկ հայ զինծառայողի ազատ արձակումը, ինչպես նաեւ քննարկեցին հումանիտար եւ դեէսկալացիային ուղղված միջոցառումները, այդ թվում՝ պահվող անձանց, անհայտ կորածների եւ բոլոր տեղահանվածների կամավոր վերադարձի վերաբերյալ հարցեր: Համանախագահներն ընդգծել են կողմերի հետ աշխատանքը շարունակելու մտադրությունը` համաձայնության ոլորտներ գտնելու համար:
Համանախագահները դրական են գնահատել նախագահ Ալիեւի եւ վարչապետ Փաշինյանի հրապարակային հայտարարությունները, որոնք արտահայտել են իրենց սկզբունքային պատրաստակամությունը՝ հանդիպել համանախագահների հովանու ներքո: Համանախագահները հույս ունեն կողմերի հետ քննարկել նման հանդիպման պայմաններն ու մանրամասները եւ կրկնում են մոտ ժամանակներս տարածաշրջան այցելելու պատրաստակամությունը` քննարկելու հաջորդող քայլերը այս գործընթացում», - ասվում է հայտարարության մեջ:
«Ուժեղ Հայաստանի» անունից հանդես եկող, ընտրակաշառք տալու, ստանալու մեղադրանքներով ձերբակալված 3 անձի...
90-ականներից բնակարան ստանալու հերթացուցակում ընդգրկված ՊՆ ծառայողները առաջիկա 4 տարում կլուծեն բնակ...
Կենսաչափական անձնագրերը քաղաքացիներին հասանելի կլինեն 2026 թվականի աշնանը
«Տաշիր Պիցցա»-ում աշխատակիցների են ազատել՝ «Ուժեղ Հայաստան»-ի հանրահավաքին չմասնակցելու համար
Բացահայտվել են ՌԴ-ից Հայաստան խոշոր չափերի` կանխիկ 72,6 մլն ռուսական ռուբլու ներկրման դեպքեր․ ՊԵԿ
Մենք ենք պետք Եվրոպային, թե Եվրոպան` մեզ
Ռուսաստանն արգելել է «Ջերմուկի» ևս 1,1 մլն շշի վաճառքը
Լոռու մարզի քրեական ոստիկանները սպանության դեպք են կանխել․ կալանավորվել է երեք անձ
Ուկրաինան կարող է ստիպված լինել հաշտվել իր տարածքի մի մասի կորստի հետ
Պարի միջազգային օր․ Երևանի կենտրոնում կանցկացվի «Արի՛, պարի՛» խորագրով միջոցառումների շարք․ միացե՛ք ...