Ինչո՞ւ չկանգնեցվեց պատերազմը հոկտեմբերի 7 ին
2020թ.-ի հոկտեմբերի 7-ից մոտ մեկ տարի անց պետք է պարզվեր, որ պատերազմը հնարավոր է եղել կանգնեցնել հենց այդ օրը։ Ադրբեջանի ղեկավարը «Ազգային պաշտպանություն» ռուսական ամսագրին տված հարցազրույցում անդրադարձել է իր և Ռուսաստանի նախագահ Վլադիմիր Պուտինի՝ հոկտեմբերի 7-ի հեռախոսազրույցին։ Այդ օրը նրանք քննարկել են նաև պատրերազմը կանգնեցնելու տարբերակներ, որին, ըստ Ալիևի, հայկական կողմը դեմ է եղել։
Ալիևն ասել է. «Ես առաջարկություններ ունեի, դրանց աջակցել է նաև ռուսական կողմը, սակայն հայկական կողմը հրաժարվել է և, կարծում եմ, կատարել է ողբերգական, ճակատագրական սխալ: Որովհետև, եթե նրանք ընդունեին այն ժամանակ իմ առաջարկած ծրագիրը, որին աջակցում էր Ռուսաստանը, ապա պարտությունն իրենց համար այդքան նվաստացուցիչ չէր լինի, և հազարավոր զինծառայողներ, ինչպես մեր, այնպես էլ հայկական կողմից, կենդանի կմնային»։
Այս հայտարարությանը պաշոնական Երևանը չի արձագանքել, սա, ի դեպ, միակ անարձագանք մնացած գաղտնազերծումը չէ։
Իսկ 2020 թ.-ի հոկտեմբերի 7-ին Պաշտպանության բանակը պատերազմում հերոսաբար զոհվածների երկու ցուցակ հրապարակեց։ Պատերազմի 11-րդ օրը մեր զոհերի թիվը մոտ էր 400-ին։ Հնարավոր էր կանխել հետագա մահերն ու խուսափել կորուստներից, մոտ 4 անգամ կրճատել պատերազմի տևողությունը։ Ինչու՞ դա չարվեց՝ պատասխան հնչել է, որը, սակայն, ոչ քաղաքականության, ոչ ռազմավարության ու զինվորական գործի հետ կապ չունի:
Իսկ հոկտեմբերի 7-ից հետո ամեն օր պաշտպանության բանակը շարունակում էր զոհվածների ցուցակ հրապարակել, որի հետևում կիսատ մնացած կյանքեր էին, երազանքներ, նպատակներ, կիսատ մնացած սերեր էին, ժպիտներ․․․
Մանրամասները՝ Հայկական երկրորդ հեռուստաընկերության պատրաստած տեսանյութում:
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Մադելին Շարաֆյանը «Օսկար»-ի մրցանակաբաշխությանը ներկայացել է հայ դիզայների զգեստով
Մարմնամարզության տղամարդկանց հավաքականը տուն է վերադառնում
Ղարաբաղից տեղահանվածները պետք է կապեն իրենց ապագան Հայաստանի հետ
Տնային պայմաններում խնամքի ծառայություններ՝ տարեց կամ հաշմանդամություն ունեցող անձանց․ ուր դիմել
Ստեփանծմինդա-Լարս ավտոճանապարհը փակ է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...