Հայաստանում ոստիկանության համազգեստ հագնող մարդիկ սպասարկում են հողատու իշխանության շահերն ու ճնշումներ գործադրում ՀՀ քաղաքացիների նկատմամբ. բողոքի ակցիա
Կառավարության շենքի դիմաց բողոքի ակցիա էին փորձում իրականացնել ՀՅԴ «Նիկոլ Աղբալյան» ուսանողական միության անդամները, սակայն ոստիկանության աշխատակիցները պահանջեցին ակցիան իրականացնել առանց բարձրախոսների, ինչը, ըստ ակցիայի մասնակիցների, հավաքների ազատության մասին օրենքի պահանջի խախտում է։
Ակցիայի մասնակիցները չընդունեցին այդ պահանջը, նրանցից մեկը հայտարարեց, թե ՀՀ վարչապետ Նիկոլ Փաշինյանը, Շուշին նվիրելու իր քայլն արդարացնելու համար, փորձում է ստեղծել տպավորություն, թե այն անարժեք է եղել:
Ըստ բողոքի ակցիայի մասնակցի՝ վարչապետի խոսքի ու իրականության միջև որևէ կապ չկա, և 30 տարում Շուշիում կառուցվել, վերակառուցվել են թանգարաններ, բազմաբնակարան շենքեր, համալսարաններ, ճանապարհներ: Քաղաքացին չհասցրեց ավարտել ելույթը, քանի որ նրան բերման ենթարկեցին:
ՀՅԴ անդամ Գոռ Սարգսյանը լրագրողների հետ զրույցում հայտարարեց՝ իրենք չէին եկել Նիկոլ Փաշինյանին «սյունաց ողջույն» տալու, Կառավարության շենքի վրա իրեր շպրտելու, և միայն բարձախոսի համար ոստիկանները բերման ենթարկեցին:
«Սրանք ճնշումներ են ՀՀ քաղաքացիների հանդեպ, որոնք պարզապես ցանկանում էին իրենց խոսքն ասել: Հայաստանում ոստիկանության համազգեստ հագնող մարդիկ սպասարկում են հողատու իշխանության շահերն ու ճնշումներ գործադրում ՀՀ քաղաքացիների նկատմամբ»,-ասաց նա:
Գոռ Սարգսյանը չհասցրեց ավարտել ճեպազրույցը, և նրան նույնպես բերման ենթարկեցին:
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Ղարաբաղից տեղահանվածները պետք է կապեն իրենց ապագան Հայաստանի հետ
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Մենք ուզում ենք, որ դուք օր առաջ տնավորվեք ՀՀ-ում
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Ամբերդ ամրոց և Քարի լիճ տանող ավտոճանապարհները փակ են