Փոխնախարարի տրամաբանությամբ՝ ես էլ ասում եմ՝ չկա հիփոթեքային վարկի ամսավճար, որը 6000 դրամ է․ Թադևոս Ավետիսյան

Մենք քննարկում ենք «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» օրենքում փոփոխությունները, և նախագծի հեղաինակը՝ կառավարությունը, առաջարկում է, որ սոցփաթեթին տարեկան հատկացվող 72 հազար դրամի ծախսման ուղղություններում ավելացվի ևս երկու ուղղություն։ Մենք առաջարկում ենք, որ այդ նույն տրամաբանությամբ սոցիալական փաթեթի գաղափարին նաև ավելացվեն օրենքով և կառավարության որոշմամբ սահմանված նպատակներին անհամեմատ ավելի համապատասխանող մի քանի առաջարկներ, որոնք այդպես էլ չընդունվեցին․ Ազգային ժողովում ելույթ ունենալիս ասաց «Հայաստան» խմբակցության պատգամավոր Թադևոս Ավետիսյանը։

«Ես կարևորում եմ բնակարանային վարձի հատուցումը։ Հիմա, երբ հիմնական զեկուցողն ասում է, որ 72 հազարով չկա բնակարան, որի վարձը կարելի է տալ, ես էլ նույն տրամաբանությամբ ասում եմ՝ չկա հիփոթեքային վարկի ամսավճար, որը 6000 դրամ է կազմում»,- նշեց նա։