Հայաստանի շոգն իրոք, խնդիր է, բայց ոչ շատ մեծ. Օգե Հարեյդեն

Ֆուտբոլի Դանիայի հավաքականի գլխավոր մարզիչ Օգե Հարեյդենն այսօր մամուլի ասուլիս է տվել՝ խոսելով Հայաստանի հավաքականի դեմ աշխարհի առաջնության ընտրական հանդիպման մասին:

Նա ընդգծել է, որ Լեհաստանի հավաքականի նկատմամբ հաղթանակից հետո թիմում հրաշալի մթնոլորտ է տիրում.

«Կարողացանք առաջ անցնել Ռումինիայից: Եթե կարողանանք շարունակել խաղալ այսպես, ապա մեզ կհաջողվի որոկավորվել աշխարհի առաջնության եզրափակիչ մրցաշարին: Մեր թիմի հայտացուցակում գտնվող բոլոր ֆուտբոլիստները լավ մարզավիճակում են: Մենք ունենք մի շարք խաղացողներ, որոնք չեն խաղացել Լեհաստանի դեմ խաղում եւ շատ թարմ են: Սակայն կան նաեւ խաղացողներ, որոնք շատ հաջող են հանդես եկել լեհերի դեմ: Այսօրվա մարզումից հետո կկողմնորոշվենք մեկնարկային կազմի հարցում: Այս թիմերը բավական հաճախ են խաղում իրար հետ: Կոպենհագենում մենք ունեինք առավելություն: Հայաստանի հավաքականն ունի տեխնիկապես լավ պատրաստված ֆուտբոլիստներ: Ինչպես բոլոր զարգացող երկրներում, Հայաստանում եւս կան լավ ֆուտբոլիստներ: Հայերը նաեւ հաջող են խաղում տնային խաղերում: Նրանք ունեն Հենրիխ Մխիթարյան, որը հրաշալի խաղացող է: Նա հաջող է հանդես եկել Գերմանիայում եւ Անգլիայում:Բնականաբար, չեմ ասի, թե վաղն ինչ մարտավարությամբ ենք խաղալու: Չեմ կարող բացահայտել բոլոր գաղտնիքները»:

Դանիայի հավաքականի գլխավոր մարզիչն անդրադարձել է նաև երևանյան շոգին.

« Հայաստանի շոգ եղանակն, իրոք, խնդիր է, բայց ոչ շատ մեծ: Ժամը 18:00-ից հետո արդեն շատ շոգ չէ»:

Հայաստան – Դանիա խաղը կկայանա սեպտեմբերի 4-ին Երեւանի «Հանրապետական» ստադիոնում եւ կսկսվի ժամը 20:00-ին:

a1plus.am