Վրաստանի տարածքային ջրեր է մտել ՆԱՏՕ հինգ նավ
ՆԱՏՕ-ի երկրորդ մշտական հակաականային խումբը (SNMCMG2) հինգ նավով մտել է Վրաստանի տարածքային ջրեր։ Այս մասին երեքշաբթի տեղեկացրել են հանրապետության ՆԳՆ մամուլի ծառայությունում։
«Վրաստանի տարածքային ջրեր են մտել ՆԱՏՕ նավերը։ ՆԱՏՕ երկրորդ մշտական հակաականային խմբի (SNMCMG2) նավերին դիմավորել է ՆԳՆ սահմանապահ ոստիկանության ափային պահպանության դեպարտամենտը։ Խմբի կազմում Իսպանիայի ֆլագմանային նավն է, Իտալիայի, Բուլղարիայի, Ռումինիայի եւ Թուրքիայի նավերը։ Ստորաբաժանման հրամանատարն է առաջին կարգի կապիտան Խավիեր Նունյես դե Պրադոն»,- ասվում է հաղորդագրությունում։
Սեւ ծովում տեղի կունենան զորավարժություններ Վրաստանի ափային պահպանության եւ ՆԱՏՕ նավերի մասնակցությամբ։ Զորավարժանքների նպատակը երկրի պաշտպանունակության ամրապնդումն է եւ համատեղելիության բարձրացումը։
Երկրորդ մշտական հակաականային խմբի այցը ի ցույց է դնում աջակցությունը Վրաստանին ՆԱՏՕ-ին անդամակցելու հարցում, նշվում է հաղորդագրությունում։
Բաթումի նավահանգստում ՆԱՏՕ հակաականային խմբի անձնակազմին դիմավորեցին Աջարիայի վարչապետ Թոռնիկե Ռիջվաձեն, ՆԳՆ սահմանապահ ոստիկանության ափային պահպանության վարչության տնօրեն Ռամազ Փապիձեն, Վրաստանում Լեհաստանի դեսպան Մարիուշ Մաշկեւիչը եւ ՆԱՏՕ կապի սպա Ռուշեն Աբիդինօղլուն։ Սա ՆԱՏՕ նավերի արդեն չորրորդ այցելությունն է այս տարի։
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Տավուշում ոչ մի գազատար չի կառուցվել, նման գործընթաց չկա. մարզպետ
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Հայ-վրացական գազատարը Հայաստանի խնդրանքով կտեղափոխվի
Իրանում պատերազմը Հնդկաստանին կանգնեցրել է գազային ճգնաժամի առաջ
Երևանը միանում է «Երկրի ժամ» համաշխարհային բնապահպանական նախաձեռնությանը
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...