Կապիտոլիումի ոստիկանությունը տույժեր կսահմանի վեց աշխատակիցների նկատմամբ հունվարի 6-ին նրանց գործողությունների պատճառով

Կապիտոլիումի ոստիկանությունը խորհուրդ է տվել կարգապահական տույժեր սահմանել վեց ոստիկանների նկատմամբ հունվարի 6-ին ԱՄՆ Կոնգրեսի շենքի մոտ անկարգությունների ընթացքում նրանց գործողությունների համար, հաղորդում է Insider-ը:

Ավելի վաղ Կապիտոլիումի ոստիկանությունը սկսել էր հետաքննություն 29 ոստիկանների նկատմամբ, ինչպես նաեւ եւս վեց ոստիկաններ ժամանակավոր հեռացվել են աշխատավարձի պահումով:

Ավելի վաղ նաեւ հայտնի էր դարձել, որ հեռացված ոստիկաններից մեկը հանրահավաքի ժամանակ լուսանկարվել է ցուցարարների հետ, մեկ ուրիշ իրավապահ ուղղորդել է ցուցարարներին ԱՄՆ Կոնգրեսի շենքի շուրջ:

Հունվարի 6-ին ԱՄՆ նախկին նախագահ Դոնալդ Թրամփի կողմնակիցները, 2020 թվականի նոյեմբերի 3-ին անցկացված նախագահական ընտրությունների արդյունքները խոչընդոտելու համար ներխուժել են ԱՄՆ Կոնգրեսի շենք: Անկարգությունների ընթացքում Կոնգրեսի ներսում ոստիկանությունը սպանել է ցուցարար կնոջը: Բախումներից հետո զոհվել է նաեւ Կապիտոլիումի ոստիկանության աշխատակիցը: