Ֆուտբոլի Հայաստանի ազգային հավաքականը պահպանեց առաջին տեղը

Ֆուտբոլի աշխարհի առաջնության ընտրական փուլի հերթական տուրում Հայաստանի ընտրանին մրցակցի դաշտում մրցեց Հյուսիսային Մակեդոնիայի հավաքականի հետ: Խաղն ավարտվեց 0:0 հաշվով: Չնայած մակեդոնացիները տարածքային առավելություն ունեին, բայց վտանգավոր պահեր այդպես էլ չստեղծեցին, իսկ ահա մեր հավաքականը առնվազն երեք անգամ շատ մոտ էր գոլ խփելուն:

Չնայած ոչ-ոքիին Հայաստանի հավաքականը տասը միավորով շարունակում է գլխավորել J խմբի մրցաշարային աղյուսակը: 

Ռումինիան մրցակցի դաշտում 2:0 հաշվով հաղթեց Իսլանդիային, իսկ Գերմանիան նույն հաշվով Լիխտենշտեյնին:

Գերմանիան 9 միավորով երկրորդն է, իսկ Հյուսիսային Մակեդոնիան 7 միավորով՝ երրորդը:

B խմբում մեր հարեւան վրացիները սեփական դաշտում 1:0 հաշվով պարտվեցին Կոսովոյի թիմից: Շվեդիան 2:1 հաշվով հաղթեց Իսպանիայի ազգային թիմին:

Շվեդները երեք խաղից հետո ունեն 9, իսկ Իսպանիան չորս խաղից հետո՝ 7 միավոր: 

C խմբում Իտալիա-Բուլղարիա դիմակայությունն ավարտվեց 1:1 հաշվով, Լիտվան տանը 4:1 հաշվով պարտվեց Հյուսիսային Իռլանդիային:

Իտալիան չորս խաղից հետո ունի տասը միավոր, իսկ Շվեյցարիան երկու խաղից հետո ունի վեց միավոր:

E խմբում չեխերը 1:0 հաշվով կարեւոր հաղթանակ տարան բելառուսների նկատմամբ, իսկ բելգիացիները մրցակցի դաշտում 5:2 հաշվով հաղթեցին Էստոնիային:

Բելգիան ունի 10 միավոր, իսկ Չեխիան՝ 7:

I խմբում սկզբունքային մրցավեճում Անդորրան 2:0 հաշվով հաղթեց Սան Մարինոյին, անգլիացիները մրցակցի դաշտում 4:0 հաշվով հաղթեցին հունգարներին, իսկ Լեհաստանը 4:1 հաշվով հաղթեց Ալբանիային:

Անգլիան 12 միավորով առաջինն է, իսկ Լեհաստանն ու Հունգարիան ունեն յոթական միավոր:

Top-News.am