Էստոնիայի նոր նախագահ է ընտրվել Ալար Կարիսը

Էստոնիայի ազգային թանգարանի տնօրեն Ալար Կարիսը երեքշաբթի ընտրվեց երկրի նոր նախագահ:

Ռիյգիկոգուում (խորհրդարան) քվեարկության երկրորդ փուլում Կարիսի թեկնածությունը պաշտպանել է 72 պատգամավոր՝ անհրաժեշտ 68 ձայնի դեպքում:

Ալար Կարիսը ծնվել է 1958 թվականի մարտի 26-ին Տարտուում: 1976 թվականին ավարտել է թիվ 2 միջնակարգ դպրոցը եւ ընդունվել Էստոնիայի կենսաբանական գիտությունների համալսարան, որն էլ ավարտել է 1981 թվականին:

2013 թվականի մարտի 26-ին Ալար Կարիսը նշանակվել էր Էստոնիայի գլխավոր վերահսկող:

2017 թվականից նա Էստոնիայի ազգային թանգարանի տնօրենն էր: