Գիտնականները կփոխեն բույսերի, միջատների եւ կենդանիների տեսակների անունները՝ դրանց «ռասիստական պատմության» պատճառով

Բույսերի, կենդանիների եւ միջատների տեսակների տարածված անունները կոչվել են «ռասիստական», եւ, հետեւաբար, գիտնականները հայտարարել են դրանք անվանափոխելու անհրաժեշտության մասին, հայտնում է Planet Today-ը:

Այս տարվա հուլիսին Ամերիկայի միջատաբանական միությունն (ESA) արդեն լուսատտիկի եւ մրջյունի անունից հանել է «գնչու» տերմինը, քանի որ այն վիրավորանք է համարվում գնչուների համար: Այժմ այս պրոցեդուրային պետք է ենթարկվեն նաեւ այլ տեսակները: Դրանցից շատերը անվանվել են առաջին հետազոտողների կողմից եւ կապված են եղել իրենց շուրջը գտնվող առարկաների հետ: Այնուհետեւ մարդիկ, մտադրվելով հետք թողնել պատմության մեջ, դրանց համար հարմար տերմիններ են օգտագործել:

Սակայն Better Common Names Project նախագիծն այժմ արգելում է նոր անունները, որոնք «հավերժացնում են բացասական կարծրատիպերը», եւ հանրությունից մեկնաբանություններ է սպասում, թե որ անուններն ապագայում պետք է փոխվեն:

Այսպես, պետք է վերանվանվի, ինչպես ասվում է նախագծում, Սքոթի պիրոլը: Դա պայմանավորված է նրանով, որ այն անվանվել է 19-րդ դարի ԱՄՆ ռազմական առաջնորդ Ուինֆիլդ Սքոթի անունով, ով վտարել է բնիկ ամերիկացիներին իրենց հողերից, ինչը հազարավոր զոհերի պատճառ է դարձել: Այժմ առաջարկվում է այն կոչել յուկայի պիրոլ, քանի որ այս բույսին այն ամենից շատ է նման:

Ընդհանուր առմամբ, այս պահին Better Common Names նախագիծը ունի ավելի քան 80 անուն, որոնք պետք է վերանվանվեն:

Նախագծի հեղինակները նշում են, որ այժմ կարեւոր է ճիշտ անուններ ընտրելը: Եւ, չնայած դրանք այժմ որոշ չափով անհարմար կլինեն, բայց երկարաժամկետ հեռանկարում դա ցանկալի արդյունք կունենա: