Ֆրանսիայի նախագահը կոչ է արել ԱՄՆ-ին ակտիվորեն համագործակցել փախստականների խնդիրները լուծելու հարցում
Ֆրանսիայի նախագահ Էմանուել Մակրոնը հայտարարել է, որ ԱՄՆ-ն պետք է ավելի շատ ջանքեր գործադրի Աֆղանստանում իշխանությունը թալիբների կողմից զավթելուց հետո միգրացիոն հոսքի դեմ պայքարի համար, հաղորդում է The Hill-ը:
«Անհրաժեշտ է այդ հարցի շուրջ բազմակողմանի որոշում կայացնել, եւ ԱՄՆ-ն պետք է իր դերը խաղա: Եթե անգամ նրանք առաջինը չլինեն, ով զգում է միգրացիոն ճնշում, դրա պատճառը թաքնված է որոշման մեջ, որում նրանք դերակատարում ունեն»,-ասել է Ֆրանսիայի առաջնորդը:
Մակրոնն ընդգծել է, որ անհրաժեշտ է ՄԱԿ-ի փախստականների հարցերով գերագույն հանձնակատարի հետ քննարկել Աֆղանստանի հարեւան երկրներնում փախստականների հարցում իրավիճակը: Նախագահը կոչ է արել լրջորեն մեծացնել նրանց ապաստանի եւ լավ պայմաններով ապահովելու ֆինանսավորումը Եվրոպայում անօրինական միգրանտների նոր հոսքից խուսափելու համար:
Ֆրանսիայի առաջնորդը նաեւ ակնարկել է, որ Վաշինգտոնն ազնիվ մոտեցում չի ցուցաբերում՝ կոչ անելով համեմատել տարհանվածների տվյալները: «Երբ ամերիկացիներն ասում են, որ դուրս են բերել հազարավոր մարդկանց, խոսքը չի վերաբերում, որ նրանք անմիջապես կընդունեն այդ աֆղանցիներին իրենց տարածքներում: Մենք տեսել ենք՝ ինչպես են նրանք Եվրոպա ժամանում»,-նշել է նա:
Նա պատմել է, որ աֆղանների հետ առաջին ամերիկյան չվերթներն արդեն ժամանել են Ալբանիա եւ Ուգանդա, եւս մի քանիսն ակնկալվում են Կոսովոյում ու Հյուսիսային Մակեդոնիայում:
«Եկեք ազնիվ լինենք՝ ոչ բոլոր աֆղանցիները պարտադիր կհայտնվեն ԱՄՆ-ում, մի քանիսը կփորձի հայտնվել ԵՄ-ում: Անհրաժեշտ է խոսել մեր ամերիկացի ընկերների հետ այդ փախստականների առավել հումանիստական ընդունելությունը կազմակերպելու եւ պետությունների միջեւ քաղաքական լարվածությունից խուսափելու համար»,-նշել է Մակրոնը:
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Տավուշում ոչ մի գազատար չի կառուցվել, նման գործընթաց չկա. մարզպետ
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Իրանում պատերազմը Հնդկաստանին կանգնեցրել է գազային ճգնաժամի առաջ
Հայ-վրացական գազատարը Հայաստանի խնդրանքով կտեղափոխվի
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
«Վարդաշեն» քրեակատարողական հիմնարկից դատապարտյալ է փախել