Աֆղանստանի հարցով G20-ի արտակարգ գագաթաժողովը սեպտեմբերին կանցկացվի

G20-ի արտակարգ գագաթաժողովը՝ նվիրված Աֆղանստանի ճգնաժամային իրավիճակին, որտեղ արմատական «Թալիբանը» գրավել է իշխանությունը, պետք է տեղի ունենա այս տարվա սեպտեմբերին, հայտնում է իտալական Il Giornale թերթը:

Հանդիպումը կկայանա ամսվա առաջին կամ երրորդ շաբաթվա ընթացքում, որպեսզի չհամընկնի ՄԱԿ Գլխավոր ասամբլեայի 76-րդ նստաշրջանի հետ, որը նույնպես նախատեսվում է անցկացնել սեպտեմբերին՝ Նյու Յորքում: Դեռևս որոշված չէ՝ արդյոք G20-ի գագաթաժողովը Հռոմում կկայանա, թե տեսակոնֆերանսի ռեժիմով, նշում է Il Giornale- ն:

Իտալիան ներկայումս նախագահում է G20-ում: Օգոստոսի 19-ին հանրապետության արտաքին գործերի նախարար Լուիջի Դի Մայոն հայտարարել էր Աֆղանստանին նվիրված գագաթաժողովի նախապատրաստման մասին: