Աֆղանստանում ներքին փախստականների թիվը հասել է 3.7 միլիոնի

Ներքին փախստականների թիվն Աֆղանստանում արդեն հասնում է 3.7 մլն մարդու, որոնց 80 տոկոսը կանայք եւ աղջիկներ են, հայտնում է Reuters-ը:

Եվրահանձնաժողովի նախագահ Ուրսուլա ֆոն դեր Լյայենը Իսպանիայում տեղակայված աֆղանցի փախստականների ժամանակավոր ընդունման կենտրոն այցից հետո հայտնել է փախստականների թվի մասին:

«Աֆղանստանում 3.7 միլիոն մարդ արդեն փախստական ​​է դարձել, նրանց 80 տոկոսը կանայք եւ աղջիկներ են»,- ասել է նա:

Եվրամիությունը կառաջարկի հաջորդ շաբաթ G7-ի հանդիպմանը դիտարկել փախստականների ընդունման եւ տեղավորման միջազգային սխեման:

«Մենք կառաջարկենք հաջորդ շաբաթ G7-ում դիտարկել Աֆղանստանից փախստականներին ընդունելու եւ տեղավորելու միջազգային ծրագիրը»,- ասել է նա: «ԵՄ-ն մտադիր է օրինական եւ անվտանգ ուղիներ կազմակերպել Աֆղանստանից փախստականների համար՝ մարդկանց մաքսանենգների ձեռքից նրանց խլելու համար»,- ասել է նա: