Հողերը Թուրքիայից ազատագրելու համար արաբա-քրդական միասնությանը այլընտրանք չկա. եգիպտացի քաղաքական գործիչ

Հողերը Թուրքիայից ազատագրելու համար արաբա-քրդական միասնությանն այլընտրանք չկա: Այս մասին հայտարարել է Եգիպտոսի սոցիալիստական ​​կուսակցության գլխավոր քարտուղար Ահմեդ Բահաա ադ-Դին Շաաբանը, փոխանցել է Hawar News Agency-ն:

Նրա խոսքով՝ (Թուրքիայի նախագահ) Ռեջեփ Էրդողանի ֆաշիստական ​​ռեժիմը, որը գրավել է արաբական եւ քրդական շատ հողեր ու շրջաններ Սիրիայում եւ Իրաքում, լուրջ խնդիր է ստեղծում արաբ ու քուրդ ազգային եւ առաջադիմական ուժերի համար:

«Թուրքական ռասիստական ​​գաղութատիրության միտումը նորություն չէ մեր տարածաշրջանի եւ մեր հայրենիքի համար: Օսմանյան գաղութատիրությունը շարունակվել է գրեթե չորս հարյուրամյակ՝ բերելով նվաստացում, թալան, որոնք մեր երկիրը հասցրել են աննախադեպ հետամնացության եւ աղքատության: Եվ նա չի բավարարվել դրանով, այլ իր գերիշխանությունը պարտադրել է արաբական այլ տարածքներին՝ գրավելով մի քանի շրջան Սիրիայում եւ Իրաքում, եւ թրքացնելով՝ պարտադրելով իր մշակույթը, լեզուն, համակարգերը՝ նախապատրաստվում է դրանց բռնակցմանը՝ հակառակ միջազգային իրավունքի նորմերին եւ մարդկանց անքակտելի իրավունքներին»,- նշել է նա:

Եգիպտոսի սոցիալիստական ​​կուսակցության գլխավոր քարտուղարը հավելել է, որ վերոնշյալի հիման վրա «տարածաշրջանի ժողովուրդների, մասնավորապես երկու ժողովուրդների՝ արաբների եւ քրդերի ընդհանուր շահերն անխուսափելի են: Երկու կողմերի կամքը միասնական չի եղել՝ դիմակայելու համար ներխուժման, օկուպացիայի եւ թրքացման ծրագրերին: Անհնար է ազատագրել օկուպացված հողերը, եթե հարմարվում ենք ստեղծված իրավիճակին»: