Հայտնի են ամենապատվաստված երկրները

Bloomberg թերթի վերլուծաբանները նշել են այն երկրները, որոնցում բնակչության մեծ մասը պատվաստված է:

Առաջատարներից են Արաբական Միացյալ Էմիրությունները (65.1 տոկոս), Չիլին (64.5 տոկոս), Բելգիան (60.6 տոկոս), Իսրայելը (59.5 տոկոս), Իսպանիան (59 տոկոս):

Առողջապահության համաշխարհային կազմակերպության (ԱՀԿ) գլխավոր տնօրեն Թեդրոս Ադանոմ Գեբրիեսուսը կոչ է արել այն երկրներին, որտեղ բնակչության զգալի մասն արդեն ստացել է պատվաստանյութերի երկու դեղաչափերն էլ, դադարեցնել կրկնակի պատվաստումները եւ դեղաչափերով կիսվել աղքատ երկրների հետ:

Այն երկրներին, որոնք արդեն հայտարարել են կրկնակի պատվաստման մասին, այդ թվում՝ Իսրայելը, Ֆրանսիան, Գերմանիան, Մերձավոր Արեւելքը եը Ռուսաստանը, ԱՀԿ ղեկավարը կոչ է արել «բուստերային» դեղամիջոցներ ուղարկել այն երկրներ, որտեղ պատվաստված է բնակչության տասը տոկոսից պակասը: Դրանց թվում են Ուգանդան (0.1 տոկոսից պակաս), Չադի Հանրապետությունը (0.1 տոկոս), Թուրքմենստանը (0.2 տոկոս), Կենտրոնական Աֆրիկյան Հանրապետությունը (0.2 տոկոս) եւ Մավրիտանիան (0.2 տոկոս):