Ֆրանսիան չպետք է կորցնի իր հնարավորությունը Հայաստանում. La Croix

Ֆրանսիական La Croix պարբերականը հոդված է հրապարակել, որում անդրադարձել է Ֆրանսիայի անելիքներին Հարավային Կովկասում, որպես ԵԱՀԿ Մինսկի խմբի անդամ, որը միջնորդական առաքելություն էր իրականացնում Արցախյան հիմնախնդրի կարգավորման հարցում:

«ՆԱՏՕ-ի Խորհրդարանական ասամբլեայի անդամ և ԵԽԽՎ պատգամավոր Ժերոմ Լամբերը համոզված է, որ Ֆրանսիան պարտավոր է միջնորդի դեր խաղալ Հայաստանի և Ադրբեջանի հարաբերությունների կարգավորման հարցում: Նա կոչ է անում Ֆրանսիային օգտագործել ներկայիս պահը և օգնել Երևանին դուրս գալ մեկուսացումից:

Ամուր խաղաղություն դեռ հաստատված չէ, և այժմ Ֆրանսիան կարող է դրսևորել իրեն: Խաղաքարտին է դրված ոչ միայն Հարավային Կովկասի ապագան, այլև Ֆրանսիայի միջազգային հեղինակությունը՝ որպես միջնորդ:

Այժմ Ֆրանսիան պետք է փորձի փոխել իր մոտեցումը տարածաշրջանի նկատմամբ: Սրանում նա մեծ առավելություն ունի. Հայաստանի անսասան աջակցության արդյունքում այն ստացել է որոշակի ազդեցություն Երևանում և այժմ պետք է օգտագործի այդ լծակը: Ֆրանսիացիներն ունեն իրենց հարևանների հետ հակամարտության դառը և երկարատև փորձ, բայց նրանք նաև հասկանում են, որ տնտեսական համագործակցությունը և համատեղ բարգավաճումը կարող են հաղթահարել պատմության ամենաողբերգական դրվագները: Սահմանամերձ տնտեսական համագործակցության խթանումն ու աջակցությունը այսուհետ պետք է դառնան Հարավային Կովկասում ֆրանսիական քաղաքականության առաջնահերթությունը: Բացի Ֆրանսիայի միջազգային հեղինակության կարևոր հարցից, խաղաքարտին է դրված ֆրանսիական ուղիղ տնտեսական շահերը:

Հարավային Կովկասը, որի զարգացումն այդքան երկար զսպվում էր ղարաբաղյան հիմնախնդրի պատճառով, այժմ կարող է առաջ շարժվել:

Տարածաշրջանում ներդրումներ անելու հնարավորությունները (առավելևս Ղարաբաղի ամայացած տարածքներում)՝ ահռելի են, քանի որ Ադրբեջանի հզոր տնտեսությունն ապահովում է կենսական նշանակություն ունեցող ենթակառուցվածքի վերականգնումը՝ միլիոնավոր ներքին փախստականների՝ հայրենի հող վերադարցն ապահովելու համար:

Հանքարդյունաբերություն, գյուղատնտեսություն, մաքուր էներգիա, տրանսպորտ, զբոսաշրջություն՝ սրանք այն սեկտորներից ընդամենը մի քանիսն են, որոնք ներկայումս միջազգային ներդրումների կարիք ունեն: Ֆրանսիան կարող է վերականգնել իր հեղինակությունը՝ որպես անկախ միջնորդ՝ օգնել ապահովել կայուն խաղաղության տնտեսական հիմքերը և առաջ տանել տարածաշրջանում ֆրանսիական ընկերությունների առևտրային շահերը:

Մինչ այժմ Հայաստանն իր հարևաններին բացասական կամ, լավագույն դեպքում, երկիմաստ ազդաներ էր ուղարկում: Այսօր Ֆրանսիայի շահերից է բխում օգնել Հայաստանին դուրս գալ մեկուսացումից: Տարածաշրջանի ներուժի բացման բանալին գտնվում է Երևանում է, իսկ Երևանը ուշադրության է առնում Փարիզին: Ժամանակն է այնպես անել, որ նրա ձայնը լսելի դառնա քաղաքական, դիվանագիտական ​​և տնտեսական խողովակներով», - գրում է:

Zham.am