«Սաղին բռնելու եմ՝ շինեմ»-ը Փաշինյանն իր թիմակիցներին չի ասել, վստահ եմ․ Վարդևանյանը` Սուրեն Գրիգորյանին

7-րդ գումարման Ազգային ժողովը Հայաստանի մեջ միակ Ազգային ժողովն է լինելու, որ Հայաստանի համար կենսական նշանակություն ունեցող նոյեմբերի 9-ի հայտարարությունը չբերեց ԱԺ եւ դուրս մնաց այդ պրոցեսից: Այս մասին այսօր` հուլիսի 10-ին, ՍԴ-ում ասաց «Հայաստան» դաշինքի ներկայացուցիչ Արամ Վարդեւանյանը` պատախանելով ՍԴ-ում ՔՊ ներկայացուցիչ Սուրեն Գրիգորյանի հարցերին:

«7-րդ գումարման Ազգային ժողովը Հայաստանի Հանրապետության պատմության մեջ միակն է, որը կարողացել է միանձնյա` մեկ քաղաքական ուժով փոխել Սահմանադրություն, մեկ քաղաքական ուժով ընտրել ՍԴ դատավորներ, մեկ քաղաքական ուժով փոխել դատական օրենսգիրքը, մեկ քաղաքական ուժով փոխել ըտրական օրենսգիրքը, մեկ քաղաքական ուժով փոխել ՍԴ-ի մասին սահմանադրական օրենքը եւ այլն»,-ասաց նա:

Սուրեն Գրիգորյանի հարցին, թե ինքը ճիշտ է հասկանում,որ քարոզարշավին փաշինյանի ասած խոսքերը վարդեւանյնաը հասկանում է որպես ընդդիմադիրներին ուղղված խոսքեր, թե ցանկացած անձի ուղղված խոսք, ով իշխանության համակիրը չէ,Վարդեւանյանը պատասխանեց. «Երբ Նիկոլ փաշինյանը քարոզարշավ է անում, ներկայացբելով կոնկրետ ուժ, ես վստահ եմ, երբ ինքը ասում է, ներողություն եմ խնդրում, «սաղին բռնելու եմ շինեմ»-ը, ինքը իր թիմակիցներին չի ասում, վստահ եմ»:

Վարդեւանյանը նաեւ հավելեց, որ երբ մարդիկ լսում են, որ երկրի թիվ 1 ամենաբարձր պաշտոնյան, որը կարողանում է Հայաստանի ճակատագրի վերաբերյալ որոշումներ կայացնի, ասում է` «էդ համայնքապետերը ռադ են լինելու, վենդետա է լինելու», կարող են վախենան, որ իրենց հանդեպ է դա լինելու: