«Ժողովրդին սարքում են գործ տվող». քաղաքացիները՝ երթևեկության կանոնների խախտումները նկարելու մասին (տեսանյութ)
Հայաստանի կառավարության 2020թ․ հունիսի 11-ի որոշմամբ այսօրվանից՝ հուլիսի 1-ից, քաղաքացիները կարող են բջջային հեռախոսով արձանագրել ճանապարհային երթևեկության կանոնների խախտումները և ուղարկել ճանապարհային ոստիկանության խախտումների արձանագրման կենտրոն։
Ոստիկանությունն օրեր առաջ ներկայացրեց ճանապարհային երթևեկության կանոնների խախտումն արձանագրելու և համապատասխան կենտրոն ուղարկելու կարգը․
«Քաղաքացին մուտք գործելով www.activesociety.am կայք, առաջին անգամ պետք է նույնականացվի իր նույնականացման քարտի կամ բջջային նույնականացման քարտի միջոցով։ Դա մեկ անգամ կատարվող քայլ է, որից հետո նրան հնարավորություն կտրվի արդեն բեռնել համապատասխան հավելվածը և կատարել ֆիքսումները»։
Բջջային հավելվածի միջոցով հնարավոր կլինի արձանագրել առավել հաճախակի հանդիպող և քաղաքացու համար տեսանելի 12 տեսակի իրավախախտում՝ հանդիպակաց երթևեկության գոտի դուրս գալը, լուսացույցի ազդանշանին չենթարկվելը, կանգառի կայանման կանոնները խախտելը, ավտոմեքենայից աղբ նետելը և այլն:
Թե նոր կարգից որքանո՞վ են գոհ մեր համաքաղաքացիները և արդյոք պատրաստվո՞ւմ են տեսա և լուսանկարահանել ճանապարհային երթևեկության կանոնների խախտումները, 168.am-ը պարզել է հարցախույզի միջոցով։
«Ժողովրդին սարքում են գործ տվող, դրա համար կան համապատասխան մարմիններ։ Նկարելուց անախորժություններ են լինելու, մեկը տեսավ նկարելուց, հելնելու է՝ ծեծ, կռիվ և այլն․․․ Դա վարորդի նկատմամբ գործ տալ է՝ հետիոտնի և անցորդի կողմից․․․»,- ասաց հարցված քաղաքացիներից միջին տարիքի մի տղամարդ։
Քաղաքացու խոսքով՝ ԱԺ արտահերթ ընտրությունների անցկացման համար պետբյուջեից մեծ գումարներ են դուրս գրվել, և հիմա իշխանությունները նաև այսկերպ են փորձում գումարները վերադարձնել բյուջե․
«Ժողովրդից, վարորդներից փորձում են պետբյուջեն լցնեն, դա ճիշտ չի։ Ընտրություններին, բոլորս էլ գիտենք, որ փողեր են ծախսվել, այդ փողերը պետք է լցվի տեղը․․․»։
Քաղաքացիներից մեկն էլ ասաց, որ որևէ վատ բան չի տեսնում խախտումը նկարելու մեջ․
«Ճիշտ կանեն, պետք է նկարեն, ոչ մի տեղ էլ թող խախտում չանեն․․․»։
Իսկ հարցին՝ որպես քաղաքացի՝ նման խախտում նկատելու դեպքում կնկարահանե՞ք և ուղարկեք ճանապարհային ոստիկանության խախտումների արձանագրման կենտրոն, քաղաքացին բացասական պատասխան տվեց։
Մանրամասները՝ 168.am-ի տեսանյութում
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի