Պետությունը՝ ի դեմս ՊՆ-ի և ԱԱԾ-ի, սահմանապահ համայնքների բնակիչներին պետք է ոչ թե թշնամու դեմ միայնակ թողնի, այլ հակառակը՝ զինի և զորակոչի. Ս. Օհանյան
Սահմանային ինժեներական աշխատանքների համար կարճ ժամանակ է անհրաժեշտ, որոշումները պետք է ընդունվեն ժամերի ընթացքում, դիրքերի՝ նվազագույն պայմաններով կահավորումը պետք է տեղի ունենա մի քանի օրում. պետությունը պետք է խնդրավորեր ՊՆ-ին և ԱԱԾ սահմանապահ զորքերին, հրամկազմն էլ պետք է որոշում ընդուներ, և եթե մեկ ջոկի դիրքի կառուցումը մեկ օրվա խնդիր է, համայնքների բնակիչների աջակցությամբ դա հանգիստ կարելի է իրագործել: «Արմնյուզ» ՀԸ «#ՕրաԽնդիր» հաղորդման ժամանակ նման կարծիք է հայտնել ՀՀ պաշտպանության նախկին նախարար, «Հայաստան» դաշինքի անդամ Սեյրան Օհանյանը:
«Մեր սահմանապահ համայնքների բնակիչները մեն-մենակ են մնում ադրբեջանցիների դեմ, և ՊՆ-ն ու ԱԱԾ-ն ոչ միայն նրանց միայնակ չպետք է թողնեն, հակառակը՝ այդ համայնքների բնակիչներին պետք է զինեն, զորակոչեն և ներգրավեն սահմանապահ աշխատանքներում: Բնակիչների ստվար մասը մեծ ուրախությամբ կզբաղվի դրանով, շատերը նույնիսկ առանց վերադասի էլ այսօր պաշտպանում են իրենց համայնքները»,-ասել է գեներալ-գնդապետը:
Ըստ Օհանյանի՝ բացի Իրանի և Թուրքիայի հետ սահմանների պահպանությունից՝ ռուսները երբեք չեն մասնակցել ՀՀ սահմանագծի պաշտպանությանը. «ԶՈՒ կառուցվածքը պետք է համապատասխանեցնել նոր խնդիրներին, այդ խնդիրներն ավելացել են, և ռազմաքաղաքական ղեկավարությունը պետք է համալրում իրականացնի, դրա համար կա զորահավաքային պատրաստականության պլան: Այդ համալրումն ուղարկվում է ոչ թե մարտադաշտ, այլ մեր սահմանների պաշտպանությանը»:
Արցախի հերոսի կարծիքով՝ ՊՆ-ում ստեղծված 44-օրյա պատերազմի հանգամանքները քննող հանձնաժողովը պարտավոր է բացահայտումներ անել, թեև այն պետք է կազմավորվեր պատերազմի ավարտից անմիջապես հետո. «Քառօրյայից հետո ՊՆ-ում ստեղծված հանձնաժողովը չխնայեց ինքն իրեն, այս հանձնաժողովը ևս պետք է գնահատի ԶՈՒ բոլոր թերությունները: ԶՈՒ գործունեությունը պետական համակարգի աշխատանքի հետ համադրելու կամ գնահատելու համար պետք է խորհրդարանական քննիչ հանձնաժողով ստեղծել, որում պիտի ներգրավված լինեն ընդդիմությունը, հասարակությունը, փորձագետները»:
Սեյրան Օհանյանի պնդմամբ՝ պետական կառավարման համակարգը պետք է նպատակաուղղվի անվտանգության, տնտեսության, բարոյահոգեբանական մթնոլորտի ամրապնդմանը: «Պատերազմի պատասխանատուներին վերհանելը ծավալուն աշխատանք է պահանջում: Դա պետք է քննարկվի գաղտնիության պայմաններում: Պետական և ռազմական կառավարման հարցերում եղել են լրջագույն թերություններ: Իրավապահ համակարգը պետք է գնահատականներ տա, հարուցված քրեական գործերում պետք է վեր հանվեն, օրինակ, դավաճանության դրվագները»,-ամփոփել է Սեյրան Օհանյանը:
Ֆրանսիայի պատիվն է լինել այն երկրների կողքին, որոնք երբեք չեն դավաճանել իրենց, կանգնել արդար պայքարի...
Հայաստանը հետաքրքրված է ԱՄԷ-ից բարձրորակ ապրանքների և առաջադեմ տեխնոլոգիաների ներկրմամբ
Էմանուել Մակրոնը Ծիծեռնակաբերդի հուշահամալիրում հարգանքի տուրք մատուցեց Հայոց ցեղասպանության զոհերի ...
Մակրոնը և Սթարմերը Ուկրաինայի հարցով հանդիպում են հրավիրել
Իսպանիայի վարչապետի ինքնաթիռն արտակարգ վայրէջք է կատարել Թուրքիայում
Վահագն Խաչատուրյանը և Նիկոլ Փաշինյանը պարգևատրվել են Ֆրանսիայի Պատվո լեգեոն-Մեծ խաչ շքանշանով, Մակրո...
Այս գագաթնաժողովը կհիշվի որպես խաղաղության գագաթնաժողով Կովկասում. Անտոնիու Կոշտա
Իմ բարեկամի՝ վարչապետ Նիկոլ Փաշինյանի հետ կամրագրենք ռազմավարական գործընկերությունը մեր երկրների միջ...
Ջերմուկում հայտնաբերված կարմիրգրքյան գորշ արջի քոթոթները տեղափոխվել են ապաստարան․ ԲԸՏՄ
ԱՄՆ-ի գործողությունները Հորմուզի նեղուցում փակուղի են. Արաղչի