Կառավարությունը «Հայաստան» համահայկական հիմնադրամին նայում է որպես լրացուցիչ գրպան. Ռոբերտ Քոչարյան
Համացանցում տարածվել է տեսանյութ, որտեղ ՀՀ երկրորդ նախագահ Ռոբերտ Քոչարյանը նշում է, որ «Հայաստան» համահայկական հիմնադրամի գործադիր տնօրինությունը պետք է հաշվետվություն տա հոգաբարձուների խորհրդին, սակայն այն չի ներկայացվել եւ քննադատում է ՀՀ ֆինանսների նախարարին։
Տեսանյութի համաձայն՝ առցանց քննարկմանը մասնակցել են նաեւ ՀՀ նախագահ Արմեն Սարգսյանը եւ ՀՀ վարչապետի պաշտոնակատար Նիկոլ Փաշինյանը։
Ռոբերտ Քոչարյանը նշում է, որ հիմնադրամի գործադիր տնօրինությունը պետք է հաշվետվություն տա հոգաբարձուների խորհրդին։
«Որպես ֆինանսների նախարար ինչ-որ գործառույթներ եք արել` հաշվետու լինելով բյուջեին եւ խորհրդարանին։ Մենք մեր հաշվետվության կարգն ունենք։ Հիմա դուք չեք կարող ներկայացնել, թե այս գումարները որտեղ են ծախսվել։ Դուք Ձեզ դրեք ոչ միայն Ֆինանսների նախարարի տեղը, այլեւ հոգաբարձուների խորհրդի անդամի տեղը։
Դուք պարտավորվել եք հաշվետվություն տալ, հիմա չեք կարողանում տալ։ Ձեզ առաջարկում ենք մի պարզ բան, ձեւակերպենք որպես փոխառություն եւ այս թեման փակենք»,-նշում է Ռոբերտ Քոչարյանը։
Նրա ելույթի ընթացքում միջամտում են նախագահ Արմեն Սարգսյանն ու վարչապետի պաշտոնակատար Նիկոլ Փաշինյանը, այդ պահին Ռոբերտ Քոչարյանն արձագանքում է. «Մի վայրկյան, ես չեմ ավարտել»։
Ապա Ռոբերտ Քոչարյանը հավելում է, որ հիմնադրամը 1992-ից գործում է եւ երբեք նման վիճակում չի եղել. «Սա մի կառույց է, որը դուք չեք ստեղծել, այն մինչեւ Ձեզ են ստեղծել։ Անենք ամեն ինչ, որ այս կառույցը փրկենք, այս կառույցը հայ ժողովրդինն է, այն միակ ազգային կառույցն է, որտեղ բոլոր հայկական կազմակերպությունները ներկայացված են։ Իմ տպավորությմաբ՝ Կառավարությունը հիմնադրամին նայում է որպես կառավարության լրացուցիչ գրպան, այդպես չէ եւ այդպես երբեք չի եղել»,– ասել է Քոչարյանը։
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...